Қозоғистоннинг Олмаота шаҳрида самокат билан қоида бузадиганларни ушлашни осонлаштириш учун полиция ходимларини ҳам шундай транспортга ўтказиш режалаштирилмоқда. Янги усул ҳозирча фақат тест режимида ва бир ҳудудда жорий қилинган. Аммо тез орада полиция самокатлари шаҳарнинг барча боғ ва майдонларида патруллик қилади, деб ёзмоқда Tengrinews.
“Баъзида самокат ҳайдовчилари пиёдалар йўлакчаси бўйлаб таъқибдан қочишга уринади. Албатта, полиция машинаси пиёдалар йўлагига сакраб чиқолмайди. Баъзи ҳолларда, агар инфратузилма имкон берса, вазият имкон берса, полиция пиёдани қувиб етади. Лекин биласизми, биз ҳозир айнан шу нарса ҳақида ўйлаяпмиз. Парк ҳудудларида пиёда патрул хизмати ходимлари ўз вазифаларини бажариши учун самокатлар билан таъминланиши мумкин”, — деди Олмаота полициясининг расмий вакили Салтанат Азирбек.
Олмаотада йил бошидан бери самокат ҳайдовчилари томонидан содир этилган етти мингга яқин қоидабузарлик қайд этилган. Илгари улар бошқа йўл ҳаракати ҳодисаси қатнашчилари каби жазоланган бўлса, энди оддий ҳайдовчи сифатида жазоланмоқда. 30 августдан бери 78 нафар самокат ишқибози жаримага тортилди.
Саккиз ой давомида шаҳарда самокатлар иштирокида 18 та бахтсиз ҳодиса қайд этилган. Бир жабрланувчи ҳалок бўлди, 17 киши яраланди. Мопедчилар билан вазият анча ёмон: 223 бахтсиз ҳодиса юз берган, икки киши ҳалок бўлган, 240 киши жароҳатланган.
Изоҳ (0)