Qozog‘istonda bir necha viloyat aholisi yonilg‘i quyish shoxobchalarida gaz taqchilligidan shikoyat qilmoqda. Bu haqda Sputnik Qozog‘iston xabar berdi. Energetika vazirligining ma’lum qilishicha, yonilg‘i tanqisligi neft ishlab chiqarish korxonalarida ta’mirlash ishlari olib borilayotgani fonida yuzaga kelgan.
Yonilg‘i quyish shoxobchalarida benzin yo‘q shaharlardan biri Atirau. Mahalliy fuqaro Sergey Usmonovning so‘zlariga ko‘ra, odamlar uchinchi kundirki, mashinalariga yonilg‘i quya olmayapti.
“Mahalliy OAV avtogazni kuponsiz sotuvchi yagona AYOQSH Olmagul mikrorayonida joylashgani, biroq u yerda ham uch soatlik navbatlar mavjudligini yozgan.
Yonilg‘i quyish faqat kuponlar asosida amalga oshiriladi, xususiy mulkdorlar yonilg‘i quya olmaydi va hozir shartnoma ham tuza olmaydi. Kecha bir do‘stimning mashinasi dashtda to‘xtab qoldi va uni buksirda shaharga olib ketishga to‘g‘ri keldi”, - deydi Sergey Usmonov.
Aqto‘bedagi yoqilg‘i quyish shoxobchalarida ham xuddi shunday holat. Yuk mashinasi haydovchisi Bauirjan Kabdollaning fikricha, avtogaz oila budjetini tejash imkoniyatidir.
“O‘zim ishlayman, yuk mashinasini boshqaraman. Menga avtogazni yonilg‘i bilan to‘ldirish foydaliroq. Ayni kunlarda yonilg‘i quyish shoxobchalarida gaz yo‘qligidan oila budjeti qiynalmoqda”, – deydi Bauirjon Kabdolla.
Shu bilan birga, tegishli idora hududlardagi gaz taqchilligi neft ishlab chiqaruvchi korxonalarda olib borilayotgan ta’mirlash ishlari tufayli yuzaga kelganini tushuntirdi.
“Ushbu pasayish Kazaxoyl Aktobe, CNPS-Aktobemunaygaz, Gas Processing Company MChJda rejalashtirilgan profilaktik ta’mirlash ishlari bilan bog‘liq”, — deya xabar berdi Qozog‘iston Energetika vazirligi matbuot xizmati.
Vazirlik oltita hududda: Atirau, Aqto‘be, G‘arbiy Qozog‘iston, Qo‘stanay, Qarag‘anda va Oqmo‘lada sentabr uchun qo‘shimcha gaz hajmi ajratilishini qo‘shimcha qildi.
Izoh (0)