Тошкент вилоятининг Чирчиқ шаҳри ҳокими Даврон Ҳидоятов Татаристон президенти Рустам Минниханов билан учрашди. Бу ҳақда “Дарё”га Чирчиқ шаҳри ҳокимлиги ахборот хизмати раҳбари Хушбахт Йўлдошвоев хабар берди.
Маълум қилинишича, Рустам Миннихонов ва Даврон Ҳидоятовлар Татаристон —Ўзбекистон муносабатлари доирасидаги ҳамкорликни мустаҳкамлаш, саноат кооперациясини ривожлантириш, шунингдек, келгусида қўшма лойиҳаларни амалга ошириш истиқболларини муҳокама қилган.
Даврон Ҳидоятов Татаристонга ташрифи давомида Kazan шаҳридаги “КER-Холдинг” АЖ корхонасига ҳам борган. Ва корхона бош директори билан учрашув ўтказган.
Учрашув давомида томонлар Чирчиқ шаҳрида “КER Холдинг” томонидан инвестиция лойиҳасини амалга ошириш бўйича музокаралар олиб бориб, иккита келишувга эришишди. Келишувларга асосан “КER Холдинг” томонидан шаҳарда двигатель, газотурбина ва компрессорларни қайта таъмирлаш ҳамда Ўрта Осиёда нефть ва кимё йўналишида ишлатиладиган двигатель, компрессор ва турбиналарга хизмат кўрсатиш учун сервис марказини ташкил этиш бўйича келишув битими имзоланди, — дейди Хушбахт Йўлдошвоев.
Қўшимча қилинишича, битимга асосан қурилиш ишлари жорий йилнинг октябрь ойида бошланиб, лойиҳа 2024 йил январь ойида ишга туширилади.
Шунингдек, “КER Холдинг” томонидан намуна лойиҳа сифатида шаҳарнинг барча қозонхоналарни модернизация қилиш ҳамда иссиқлик тизимини тўлиқ бошқарувига олиш ва тизимда ортиқча иссиқликдан фойдаланиб коогенерация станциясини қуриш учун 12 миллион доллар инвестиция киритилади. Лойиҳа бўйича ТИА тайёрланиб, тез кунларда битим имзоланиши режалаштирилмоқда. Музокаралар якуни бўйича Англашув меморандуми имзоланди, — дейди масъул.
Изоҳ (0)