Туркия жануби-ғарбида жойлашган Денизли шаҳрида 16 соатлик фарқ билан иккита йўл-транспорт ҳодисаси юз берди, уларда 90 дан ортиқ киши тан жароҳати олди, 11 киши ҳалок бўлди, деб хабар бермоқда Hurriyet газетаси.
Биринчи автоҳалокатда етти киши ҳалок бўлган, 42 киши жароҳатланган. Ҳоназ туманида қум ва плиталар ортилган юк машинаси ҳайдовчиси бошқарувни йўқотиб, тўсиқлардан бузиб ўтган ва қарама-қарши томондан келаётган автобусга бориб урилган. TGRT Haber телеканали хабарига кўра, автобусни тўйга кетаётган қариндошлар ижарага олган.
Орадан 16 соат ўтгач, яна бир ЙТҲ содир бўлди: йўловчи автобуси йўловчи автомобили билан тўқнашди, машина зарба туфайли қарама-қарши йўлакка чиқиб кетди ва бошқа микроавтобусга бориб урилди. Ҳодиса оқибатида бир оиланинг тўрт аъзоси ҳалок бўлди, 53 киши тан жароҳати олди.
Аввал Украинанинг Винница вилоятида ёғоч ортилган юк машинаси ва енгил автомашина тўқнашуви оқибатида машинадаги 12 киши ҳалок бўлганди. Қурбонларнинг барчаси — улар орасида 2 ёшдан 12 ёшгача бўлган олти бола ҳам бор — бир оила аъзолари эди. ЙТҲ вақтида уларнинг барчаси эски “Жигули”да бўлган.
Тожикистонда эса юк машинаси бир нечта автомобилларни босиб, уйларга бориб урилган, 10 киши ҳалок бўлган.
Изоҳ (0)