1984 йилда телеекранларга “Санта-Барбара” сериали чиқди ва у дунёнинг 40 дан ортиқ мамлакатларида намойиш этилди. Сюжетга кўра, воқеалар Калифорниянинг қуёшли шаҳарчаси Санта-Барбарада яшовчи бадавлат Кепвеллар оиласи атрофида содир бўлади. Сериал шу қадар машҳур бўладики, кўплаб томошабинлар янги қисмларини интиқлик билан кутишади, қаҳрамонлар ҳақида худди яқинларидек ташвишланишади — сериал ҳам 32 йил давом этади. Шубҳасиз, кўплаб томошабинлар севимли актёр ва актрисаларининг қарийб 40 йилдан кейин қандай кўриниши ва уларнинг тақдири қандай кечганини билишга қизиқади.
Эй Мартинес (Круз Кастилло)
Актёр “Санта-Барбара” сериалидан кейин ҳам турли телесериал ва фильмларда суратга тушади. Мартинес “Жануб қироличаси”да Шериф Майо ролини ўйнаган ва 2023 йилги “Қора шамоллар” сериалида шериф Гордо ролини ижро этган.
Робин Райт (Келли Капвелл)
Актриса Санта Барбара туфайли машҳур бўлади, лекин бир неча йил ўтгач, у катта фильмдаги рол учун лойиҳани тарк этади. 2016 йилда у ҳатто энг кўп маош олувчи актрисалардан бири деб топилади. 2020 йилда у “Мўжизакор аёл 1984” фильмида рол ўйнайди, 2024 йилда эса “Шу ерда” фильмида иштирок этади.
Жед Аллен (Си Си Кепвелл)
Телесериалдаги Кепвелл оиласи бошлиғининг роли актёрга катта шуҳрат келтирди, гарчи у илгари бошқа кўплаб лойиҳаларда рол ўйнаган бўлса ҳам томошабинлар уни шу роли орқали танийди. Санта Барбарадан кейин Жед Аллен “Беверли-Хиллз, 90210” ва “Кўрфаз” фильмларида суратга тушади. Актёр 2019 йилда 84 ёшга тўлганидан атиги 8 кун ўтиб, вафот этади.
Марси Уокер (Эден Кепвелл)
Эден Кепвелл ва Круз Кастилло телесагани суратга олиш жараёнида энг машҳур супержуфтлардан бирига айланишганди. Ушбу рол учун актриса “Эмми” мукофотининг 3 та номинацияни олади. Шунингдек, у “Барчаси менинг болаларим” сериалини суратга олишда иштирок этади. 2005 йилда эса у кинодан кетишга қарор қилади.
Ненси Ли Гранд (Жулия Уэйнрайт Кепвелл)
“Санта-Барбара”дан кейин актриса “Бош касалхона” ва “Қалъа” каби турли сериалларда иштирок этади. 2019 йилда Ненси Ли Гранд гитарачи Ричард Смит билан унаштирилганини эълон қилади. Ҳозир у хайрия ишларида фаол иштирок этмоқда.
Жудит Макконнел (София Кепвелл)
Жудит актрисалик фаолиятини “Санта-Барбара”дан анча олдин бошлаган ва шу кунгача асосан сериаллардаги роллари билан томошабинларни хурсанд қилишда давом этмоқда.
Лейн Дэвис (Мэйсон Кепвелл)
“Санта-Барбара”дан кейин актёр телевидениедаги фаолиятини давом эттириб, “Бесўнақай ва гўзал”, “Сейнфелд”, “Клиника” ва “Ғайритабиий” каби телесериалларда суратга тушади. Ҳозирда Лейн асосан Уилям Шекспир пьесалари асосидаги спектаклларда ўйнашда давом этмоқда.
Ли Макклоски (Зак Келтон)
“Санта-Барбара”да актёр томошабинлар ёдида қолган. Сериалдан сўнг у нафақат актёр, балки “меҳмон” сифатида ҳам турли телекўрсатувлар ва сериалларга бир неча бор таклиф қилинган. Ҳозирда актёр рафиқаси билан фалсафа ва психология мавзусида мунтазам семинарлар ва ижтимоий тадбирлар ўтказиб туради.
Леонардо Ди Каприо (Мэйсон Кепвеллнинг болалиги)
Албатта, Леони танимайдиган одам йўқ. Маълум бўлишича, “Санта-Барбара”да у болалигида Мэйсон Кепвелл ролини ижро этган. Актёр ажойиб фильмографияга эга. 2021 йилда у “Тепага қарама” фильмида доктор Рендалл Минди ролини, 2023 йилда эса “Гулли ой қотиллари” фильмида Эрнест Бурхарт ролини ўйнаган.
Винсент Айризарри (Скотт Кларк)
Актёр “Санта-Барбара” фильмидаги доктор Скотт Кларк роли билан томошабинлар хотирасида қолган, кейинроқ “Барчаси менинг болаларим” сериалида доктор Девид Хейвард ролини ўйнаган. 2017 йилда у энг яхши бош рол ижрочиси номинациясида “Эмми” мукофотига номзод бўлади. 2021 йилга келиб у “Ҳаётимиз кунлари” сериалининг 165 та қисмида суратга тушган.
Изоҳ (0)