Instagram: Тошкент кўчаларида “эр излаётган” Марям Тиллаева, рафиқасининг туғилган кунини нишонлаган Илҳом Фармонов, операция қилинган Зоҳид Рисқиев

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Актриса Раъно Зокирова айни пайтда Умра сафарида бўлиб турибди. У Instagramъдаги саҳифаси орқали Каъбани илк марта кўрганидаги таассуротлари билан бўлишди.

 

Хонанда Ботир Қодировнинг янги клипида актриса Айсанемхон Юсупова суратга тушмоқда. 

22 август куни Сариқ бола номи билан машҳур бўлган вайнер Жаҳонгир Хўжаев яқинлари даврасида туғилган кунини нишонлади.



Дилноза Кубаева кузатувчиларига болалигида тушган суратини намойиш этди. 

Айни пайтда Истанбулда бўлиб турган актриса Луиза Расулова туркиялик дунёга машҳур ошпаз Бурак Ўздемир билан танишиб олди.



Ирода Носирова катта тадбирларда бошловчи сифатидаги фаолиятини 18 ёшида бошлагани ҳақида сўзлаб берди. 

“Уммон” гуруҳи хонанда Зоҳид Рисқиев яна бир операцияни бошдан кечирган. Бу ҳақда унинг рафиқаси Камола Артиқова маълум қилди. Узоқ вақт комада ётган Зоҳиднинг бўйнида тешик ҳосил бўлган ҳамда операция давомида ушбу тешик тикиб ёпилган.

Вайнер Liil Хуррамов янги уйидан сурат жойлаб, қачонлардир шундай уйи бўлишини орзу қилгани ҳақида сўзлаб берди. 

Инстаблогер Марям Тиллаева ўз саҳифасига Тошкент кўчалари бўйлаб “Ишу мужа” (Эр излаяпман) деб ёзилган баннерни кўтариб юргани акс этган видеони жойлаштирди. “Эр излаяпман” деган ёзув кўтариб, видео олиш интернетда кенг тарқалган трендлардан бири бўлиб, Марям ҳам шу йўналишда видео тайёрлаган.



Ушбу видео кўплаб ОАВ да чоп этилди ҳамда уларда Марям Ўзбекистон биринчи президентининг невараси сифатида тилга олинди. Блогер барча ОАВ ходимларига мурожаат йўллаб, “Мен ҳақимда хабар ёзсангиз, бобомнинг исмини тилга олманг, унинг Instagramъимга ҳеч қандай алоқаси йўқ. Мен актриса, жамоат фаоли ва блогерман”, — деди. 



Хонанда Жаҳонгир Отажонов фарзандлари билан нонушта қилаётган акс этган сурат билан бўлишди. 

Илҳом Фармонов 23 август куни рафиқасининг туғилган кунини нишонлади. Хонанда хонадонидаги қувончли кунда ўзбек шоу-бизнесининг кўплаб вакиллари меҳмон бўлди.

Хонанда Шаҳзода кузатувчиларига Хитойдан кўриниш берди.