“Тансоқчи” фильмидаги роли орқали дунё бўйлаб машҳурликка эришган Кевин Костнер май ойида иккинчи рафиқаси билан муносабатларига нуқта қўйганини маълум қилди. Актёр Кристинадан оилавий уйини тарк этишни талаб қилди. Ҳозирда жуфтлик фарзандлари учун алимент тўлаш билан боғлиқ масалаларни ҳал қилмоқда.
.jpg)
Актёрнинг собиқ севгилиси уни даромадининг катта қисмини яширганликда айбламоқда. Баумгартнернинг адвокатлари Калифорния Олий судидан Костнернинг “Горизонт” фильмидаги “келажакдаги фаолияти ва кутилаётган даромади”ни тавсифловчи ҳужжатларни эълон қилишни сўради. 49 ёшли модел вакилларининг айтишича, 68 ёшли актёр алимент тўлаш ва никоҳдан олдинги келишув бўйича суд мажлисларида бу маълумотни тақдим этишга тўсқинлик қилган.
“Кевин Кристинанинг фарзандига алимент ундириш бўйича суд ишини бир неча кунга чўзишни сўраган. Бу вақт давомида суд унинг нақд пул тушумлари ва тўловлар, қўллаб-қувватлаш учун мавжуд бўлган ва келажакда кутилаётган даромадлари ўртасидаги фарққа тегишли тасдиқларни олади”, — дейди Баумгартнернинг адвокати.
Актёрнинг собиқ рафиқасининг адвокати ҳам суд қарор қабул қилиш учун ушбу ҳолатлар тасдиқланиши кераклигини таъкидлаган. Бироқ Кристинанинг ўзи буни Кевиндан ололмайди. “Кристина Кевин буни оммага ошкор қилмасликни танлаганига ҳеч қандай далил келтира олмайди”, — дейди Баумгартнернинг матбуот котиби.
Костнернинг адвокати актёрнинг “Горизонт” лойиҳасида суратга тушгани учун оладиган гонорари фарзандларига алимент тўлаш масаласидаги керакли маълумот эмаслигини айтган. “Ушбу ҳужжатлар Кристинанинг алимент тўлаш сўровига ва Кевиннинг алимент тўлаш учун мавжуд бўлган умумий пул тушумини ҳисоблашга умуман алоқадор эмас”, — дейди адвокат People нашрига берган интервьюсига.
Баумгартнер Костнернинг иккинчи рафиқаси ҳисобланади. Актёр ва моделнинг турмуш қурганига 18 йил бўлди. Жуфтликнинг уч нафар — 15 ёшли Кайден, 14 ёшли Хейс ва 12 ёшли Грэйс исмли фарзандлари бор. Актёрнинг рафиқаси тўпланган даъволар туфайли ажрашиш учун ариза берган. Кристинага Кевиннинг “суратга олиш майдончасида ғойиб бўлиши ва оиласига умуман эътибор бермаслиги” ёқмаган.
Изоҳ (0)