Карьерасини ўн йиллар олдин бошлаган кўплаб актёрлар ҳали ҳам ижод қилмоқда, бироқ уларнинг баъзилари машҳурликдан зерикиб, бошқа йўлдан боришга қарор қилишди. Бир пайтлар ўз даврининг энг жозибали актёрларидан бири ҳисобланган Микки Рурк кинодаги карьерасини ташлагани учун ҳозирда бундан афсусланади.
Голливуднинг энг келишган актёри
80 йилларнинг бошларида Микки Голливуднинг энг жозибали актёрларидан бири ҳисобланган. У “Майхона” (1982), “Жангари балиқ” (1983) ва “Гринвич қишлоғи папаси” (1984) каби фильмларда рол ўйнайди ва барчанинг эътиборини тортади. Келишган қомати ва жозибаси туфайли Микки кўплаб аёлларни ўзига мафтун этади. Бироқ унинг шон-шуҳрати жуда қисқа умр кўради.
Кейинги ўн йил ичида актёр тез-тез кино саноатини менсимаслиги ҳақида гапиради. 1992 йилда берган интервьюсида у шундай деб тан олади:
“Сиз фақатгина кино ва жамиятга тегишли эканлигингизни биласиз. Шундай қилиб, саккиз йил ичида ўзингизни аста-секин йўқотасиз”.
Микки бошқа йўналишдан кетади
1991 йилда Рурк карьерасини 180 даражага ўзгартиришга қарор қилади. У ҳаётидаги илк иштиёқларидан бири – боксга қайтиш заруратини ҳис қилади. Бокс унинг учун ўзига хос ҳимоя, Голливуд босимидан қутулиш йўлидек туюлади.
Рингга чиққанидан кейин бир неча йил ўтгач, Рурк катта муваффақиятсизликларга дуч келади, натижада карьерасини йўқотади. Жанглар давомида у кўплаб жароҳатлар олади. Микки ҳатто боксни давом эттирса, миясига доимий шикаст етиши ҳақида огоҳлантирилади
Мухлислар Руркнинг қиёфасидаги ўзгаришларни сезмай қолишмайди. “Ёввойи орхидея” фильмининг айрим саҳналарида актёрнинг ёноқлари шишиб кетгани томошабинларда имплантат борлигидан шубҳаланишга сабаб бўлган. Микки бу даъволарни рад этади ва шиш пайдо бўлиши стоматологик операциядан кейинги таъсирлардан келиб чиққанлигини тушунтиради, аммо мухлислар бу гапларга ишонишмайди.
Хавфли натижага олиб келган пластик жарроҳлик
1990 йилларда Миккининг обрўси кескин пасаяди. У умидли ёш истеъдод ўрнига фожиали шахсга айланади ва иш топишда қийналади.
“Тахминан 10 йил олдин фаолиятим тўғри йўналишда кетаётган эди, — дейди у. — Аммо кейин суратга тушишни тўхтатдим, ўзимни ёқтирмай қолдим. Мен аста-секин ўзимни ичимдан йўқ қилардим. Назаримда, энди ўзимга тегишли эмасдим ва кинода муваффақият қозонганим учун ўзимни айбдор ҳис қилардим”.
2009 йилда Микки муваффақиятсиз операция қилинган юзи ҳақида гапириб беради. У шундай деб тан олади:
“Мен буни асосан боксдан орртирган жароҳатларимни тузатиш учун қилдим, аммо ёмон жарроҳга учраб қолдим”.
“Курашчи” фильми муваффақияти ва “Оскар” мукофотига номзодликдан сўнг Микки Рурк кинога ғалаба билан қайтади. Аммо, афсуски, актёрнинг қийинчиликлари шу билан тугамайди. У “Темир одам 2” суперқаҳрамонлик фильмидаги ролидан кейин ҳафсаласи пир бўлади. Руркнинг таъкидлашича, унинг аксарият ишлари саҳна ортида қолган. Микки бошқа лойиҳаларда фақат молиявий сабабларга кўра суратга тушади.
“Яна ўзимни ёқтира бошладим”
2017 йилда у ижтимоий тармоқларга қўйган суратига шундай изоҳ ёзади: “Энди мен яна келишган эркакман. Яна биттаси қолди”. Эҳтимол, Рурк ўзининг сўнгги жарроҳлик операциясига шундай шама қилган бўлиши мумкин.
Машҳур Голливуд актёридан фақат пушаймонлик билан тўла одамга айланган Микки Руркнинг тақдири шон-шуҳрат келтирадиган хавф-хатарлар, шунингдек, ўзидан қониқмаслик асосида танлов қилиш оқибатларига мисолдир. Ҳар қандай қийинчиликка қарамай, Миккининг тақдири тўғри йўлга қайтиш учун ҳеч қачон кеч эмаслигини эслатиб туради.
Изоҳ (0)