Сурхондарё вилоятида тарихий ёдгорликларни муҳофаза қилиш ва сақлашга қаратилган тизимли назорат тадбирлари давомида бир қатор қонунбузилиши ҳолатларига йўл қўйилгани аниқланди. Бу ҳақда Бош прокуратура матбуот хизмати хабар берди.
Хусусан, Шўрчи тумани ҳокимлиги мансабдор шахслари ўз вазифаларига лоқайдлик ва виждонсизларча муносабатда бўлишгани оқибатида маданий мерос объектларига 3,1 миллиард сўмлик зарар етказилган.
Жумладан, 2022—2023 йилларда:
- “М.” хусусий корхонаси раҳбари Х.М. ва бошқалар “Янгиариқ” маҳалласидаги VII асрга оид “Жартепа” археологик ёдгорлиги ҳудудида ғишт ишлаб чиқариш фаолияти билан шуғулланиб, 1,8 миллиард сўмлик;
- фуқаро Э.М. ва бошқалар “Катта Совур” маҳалласидаги VI-VIII асрларга оид “Қоровултепа” археологик ёдгорлиги тупроқларини олиб, молхона қуришидан 693 миллион сўмлик;
- фуқаро Т.Т. ва бошқалар “Sourтепа” маҳалласидаги I-В асрларга оид “Савуртепа 2” археологик ёдгорлиги тупроқларини олиб, молхона, ҳожатхона қуриб, 670 миллион сўмлик зарар етказган.
Аниқланган ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)