Бухоро вилояти Ромитан туманида ўтказилган ўрганишлар давомида ҳудудда жойлашган 5 та археология ёдгорлигига турли сабабларга кўра жами 291,4 миллиард сўмлик жиддий шикаст етказилганлиги аниқланди.
Хусусан, ноқонуний қазиш ва бузиш ишлари олиб борилганлиги сабабли, ўрта асрларга оид “Тепа-9” 269,6 миллиард сўмлик, “Қалаи Муллабектепа” 19,7 миллиард сўмлик, “Амиртепа” 1,1 миллиард сўмлик, “Хўжа Ҳаққитепа” 832 миллион сўмлик ва “Тепа-5” археологик ёдгорликларига 202 миллион сўмлик зарар етказилган.
Бош прокуратура ахборот хизматига кўра, аниқланган ҳолатлар юзасидан жиноят иши қўзғатилиб, дастлабки тергов ҳаракатлари олиб борилмоқда. Назорат тадбирлари давом эттирилмоқда.
Изоҳ (0)