Surxondaryo viloyatida tarixiy yodgorliklarni muhofaza qilish va saqlashga qaratilgan tizimli nazorat tadbirlari davomida bir qator qonunbuzilishi holatlariga yo‘l qo‘yilgani aniqlandi. Bu haqda Bosh prokuratura matbuot xizmati xabar berdi.
Xususan, Sho‘rchi tumani hokimligi mansabdor shaxslari o‘z vazifalariga loqaydlik va vijdonsizlarcha munosabatda bo‘lishgani oqibatida madaniy meros obyektlariga 3,1 milliard so‘mlik zarar yetkazilgan.
Jumladan, 2022—2023-yillarda:
- “M.” xususiy korxonasi rahbari X.M. va boshqalar “Yangiariq” mahallasidagi VII asrga oid “Jartepa” arxeologik yodgorligi hududida g‘isht ishlab chiqarish faoliyati bilan shug‘ullanib, 1,8 milliard so‘mlik;
- fuqaro E.M. va boshqalar “Katta Sovur” mahallasidagi VI-VIII asrlarga oid “Qorovultepa” arxeologik yodgorligi tuproqlarini olib, molxona qurishidan 693 million so‘mlik;
- fuqaro T.T. va boshqalar “Sourtepa” mahallasidagi I-V asrlarga oid “Savurtepa 2” arxeologik yodgorligi tuproqlarini olib, molxona, hojatxona qurib, 670 million so‘mlik zarar yetkazgan.
Aniqlangan holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)