Хитой Миллий хавфсизлик вазирлиги 39 ёшли давлат хизматчисини АҚШ Марказий разведка бошқармасида ишлаганликда гумон қилиб ҳибсга олди. Бу ҳақда South China Morning Post хабар берди.
Нашр маълумотларига кўра, бу АҚШ жосуси деб гумон қилинган бир ой ичида иккинчи ҳибсга олиш ҳолатидир. Қўлга олинган шахснинг исми Хао, унинг жинси, у ишлаётган вазирлик ҳақида хабар берилмаган.
Расмийларнинг таъкидлашича, Хао Японияда таҳсил олаётган пайтда АҚШ визасига мурожаат қилган. Ўша пайти у АҚШ Марказий разведка бошқармаси томонидан жосус сифатида ёлланган.
Кейин у америкалик Тед исмли шахс ва аллақачон Марказий разведка бошқармасида ишлаётган Хитой фуқароси Ли Сзиюнь билан учрашган. Улар биргаликда Хаони Вашингтонда ишлашга ишонтирган.
“Хао ўзининг жосуслик фаолиятини Хитойга қайтганидан сўнг, мамлакат вазирликларидан бирида ишга жойлашгач бошлаган. У тўпланган маълумотларни узатиш ва пул мукофотини олиш учун Хитойдаги АҚШ разведкаси вакиллари билан бир неча бор учрашган”, — дейилади хабарда.
10 август куни Миллий хавфсизлик вазирлиги Марказий разведка бошқармасида ишлаганликда гумон қилинаётган Хитой давлат ҳарбий-саноат корхонасининг 52 ёшли ходими ҳибсга олингани ҳақида хабар берди.
Изоҳ (0)