“Меҳридарё” лойиҳасига Китоб туманида яшовчи Маҳсура Очилова мурожаат қилиб, олти ёшли ўғли Самир Исомиддиновни даволатиш учун халқдан ёрдам сўради.
— Ўғлим уч ёшида кетма-кет шамоллади ва тинимсиз иситмалай бошлади. Уни текширтирсак, лимфа безлари шишганини айтишди. 2021 йилдан буён даволатишга ҳаракат қилдик. Моддий имкониятимиз у қадар яхши эмас эди, шу боис даволатиш учун уйимизни ҳам сотишга мажбур бўлдик.
Ҳозирда уч фарзандимиз билан ижара уйда яшаймиз. Кейинги пайтларда ўғлимнинг бўйнидаги лимфа безлари шишиб, касаллиги оққонга айланиш арафасида эканини айтишди. Ўғлим тинимсиз иситмалайди, бутун танаси кўкариб кетади. Қони ниҳоятда кам.
Ўғлимни даволатишим ва керакли дориларни олиб беришим керак. Турмуш ўртоғим қурилиш соҳасида ишлайди, ойига беш миллион маош олади. Аммо топган пули баъзан икки-уч кунлик дориларга ҳам етмайди. Самирбек оиламизнинг ёлғиз ўғли бўлади. Сизлардан илтимос қиламан, ўғлимни даволатиш учун қўлингиздан келганча ёрдам беринглар, — дейди беморнинг онаси Маҳсура Очилова.
Исомиддинов Самирга хайрия қилишни истасангиз
8600 0609 7042 0973 (Очилова Маҳсура)
Мурожаат учун: +998 99 193 89 99
Изоҳ (0)