“Меҳридарё” лойиҳасига Фарғона вилояти Қўштепа туманида яшовчи аёл мурожаат қилиб, буйрак етишмовчилигидан қийналаётган жияни Раҳматилло Абдулазизовнинг операциясига халқдан ёрдам сўради.
— Жияним 1988 йилда туғилган, уч нафар вояга етмаган фарзанди бор. Унда буйрак етишмовчилиги ўтган йилдан бошланган экан. Аммо биз буни билмаганмиз. Шу йилнинг ёз ойида касалхонага ётиб чиққанидан кейин касаллик зўрайиб кетгани ва иккита буйрак ҳам ишдан чиққанлиги маълум бўлди. Оёқ-қўли ва бетлари шишиб, қаттиқ оғриб қоляпти.
Тошкентга бориб текширтирганимизда агар яқинлари орасида донор бўлса зудлик билан операция қилдириш кераклигини айтишди. Акаси бир буйрагини беришга рози бўлди.
Уч ой ичида тўрт марта Тошкентга келиб, таҳлиллар топширдик. Нарх-наво жуда баланд, битта ДНК таҳлилининг ўзи 20 миллион сўм экан. Ҳозир операция давлат томонидан қилинади дейишяпти, шунда ҳам муолажалар учун 70 миллион пул кераклигини айтишди.
Жиянларимнинг онаси оламдан ўтган, акам оддий нафақахўр. Иккита ўғли бор эди, агар иккиси ҳам операция бўлса камида бир йил ишга яроқсиз бўлиб қолар экан. Қариндош уруғлар қўлдан келганча пул тўплаб бердик, барибир қўлимиз калталик қиляпти. Шунга халқдан ёрдам сўрашга мажбур бўляпмиз. Бунинг учта, донор акасининг эса иккита вояга етмаган фарзанди бор. Халқ катта куч, қўлдан келганча ёрдам беришса шу жиянимнинг ҳам мушкули осон бўларди, — дейди беморнинг аммаси.
Раҳматилло Абдулазизовга хайрия қилишни истасангиз,
9860 0803 9491 3117 (Абдулазизова Раъноxoн)
Мурожаат учун: +998 99) 834 49 90
Изоҳ (0)