Ижтимоий тармоқларда Mercedes-Benz E 200 автомобили ҳайдовчиси йўлнинг қатнов қисмида хавфли ҳолатни юзага келтирган ҳолда дрифт қилгани акс этган видеолавҳа тарқалди. Тошкент шаҳар Ички ишлар бош бошқармаси ҳолат бўйича маълумот берди.
Қайд этилишича, ҳолат 2022 йил 1 январь куни соат тахминан 02:10 да Тошкент шаҳри Чилонзор туманида содир бўлган. Қоидабузарликни Б.Л. исмли фуқаро (1987 йилда туғилган) юзага келтирган.
Ҳолат юзасидан Б.Л.га нисбатан Маъмурий жавобгарлик тўғрисидаги кодекснинг 128-5-моддаси (транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) 2-қисмига мувофиқ, баённома расмийлаштирилган.
Ушбу қоидабузарлик ҳаракатлари базавий ҳисоблаш миқдорининг ўн баравари миқдорида жарима солишга сабаб бўлади.
Изоҳ (0)