“Фуқароларнинг давлат пенсия таъминоти тўғрисида”ги қонуннинг 7-моддасига асосан, пенсиялар иш стажига эга шахсларга тайинланади. Бу ҳақда Пенсия жамғармаси эслатиб ўтди.
Фото: “Дарё”
“Иш стажига эга бўлмаган фуқароларга ёшга доир нафақа тайинланади”, — дейилади манба хабарида
Ҳукумат қарорига мувофиқ, ёшга доир нафақа аёлларга 60 ёшдан, эркакларга 65 ёшдан тайинланади.
Жорий йилнинг 1 августидан бошлаб зарур иш стажига эга бўлмаган кекса ёшдаги фуқароларга бериладиган нафақа миқдори 568 000 сўм этиб белгиланган.
“Фуқароларнинг давлат пенсия таъминоти тўғрисида”ги қонунда давлат пенсияларининг 3 та тури борлиги қайд этилган. Улар:
ёшга доир пенсия;
ногиронлик пенсияси;
боқувчисини йўқотганлик пенсияси.
Ёшга доир пенсия олиш ҳуқуқига:
эркаклар — 60 ёшга тўлганда ва иш стажлари камида 25 йил бўлган тақдирда;
аёллар — 55 ёшга тўлганда ва иш стажлари камида 20 йил бўлган тақдирда эга бўлади.
Пенсия тайинлаш учун етарлича иш стажига эга бўлмаган шахсларга ёшга доир пенсиялар камида 7 йил иш стажи мавжуд бўлган тақдирда, бор стажга мутаносиб миқдорда тайинланади.
Изоҳ (1)
Иш.стажи.кам.булса.пенсияга.чикадиган.вакт.хам.давлатга.пул.туласа.буладими.