Тошкентнинг Шайхонтоҳур ва Учтепа туманларининг айрим ҳудудлари 14 август куни табиий газ таъминотидан вақтинча узилиши тўғрисида хабар берилганди. Veolia Energy Tashkent компаниясининг маълум қилишича, шу муносабат билан Шайхонтоҳур, Олмазор ва Чилонзор туманларининг айрим жойларида иссиқ сув бўлмайди.
Қайд этилишича, асосий иссиқлик энергиясини етказиб берувчи (“Тошкент иссиқлик маркази” МЧЖ) 3-ИМ иссиқлик маркази таъминотидан вақтинча узилади. Ўчирилиш “Ҳудудгаз Пойтахт” юқори босимли газ қувурида режалаштирилган таъмирлаш ишлари билан боғлиқ бўлиб, 14 август куни соат 08:00 дан 20:00 гача амалга оширилади.
Иссиқ сувни ўчириш қуйидаги ҳудудлар ва жойларга таъсир қилади:
- Шайхонтоҳур тумани: Чорсу, Қоратош, Бешёғоч, Хувайдо, Анҳор соҳили массивлари, Зарқайнар кўчаси, С-10, 11, 13, 14, 26, 27 ва 28;
- Олмазор тумани: Б1, Б2, Б-3, Ниёзов, Беруний майдони, Талабалар шаҳарчаси, Ҳамидхонов, Қорақамиш 2/1;
- Чилонзор тумани: Олмазор, Туроб тўла ва Абай массивлари.
“Газ таъминоти қайта тиклангандан ва 3-ИМ қозонхонаси ишга туширилгандан сўнг иссиқ сув таъминоти тикланади”, — дейилади хабарда.
Июль охирларида Яшнобод, Олмазор, Миробод, Яккасарой, Шайхонтоҳур, Чилонзор ва Сергели туманларининг баъзи ҳудудларида юклама сабаб электр энергияси таъминотига вақтинча чекловлар киритилган эди. Август бошларида эса Тошкентнинг қатор туманларида электр, иссиқ сув ва газ таъминотлари вақтинча тўхтатилган.
Изоҳ (0)