Toshkentning ayrim hududlarida 2-avgust kuni elektr energiyasi ta’minoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali axborot xizmati xabar berdi.
Unga ko‘ra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida ertaga, 2-avgust kuni quyidagi manzillarda elektr taʼminoti vaqtincha o‘chiriladi:
- Yakkasaroy tumani: “To‘qimachi” MFYning ayrim ko‘chalarida soat 09:00 dan 16:00 gacha;
- Yashnobod tumani: “Ibrat” MFYning ayrim ko‘chalarida soat 10:00 dan 15:00 gacha.
Shuningdek, Sergeli va Yashnobod tumanlarining baʼzi mahallalarida vaqtincha gaz taʼminoti to‘xtatiladi. Ma’lum qilinishicha, Sergeli tumani “Yuqori Darxon” MFYdagi Navro‘z va Dilxush ko‘chalaridan hamda Yashnobod tumani “Mirishkor” hamda “Olmos” mahallalari chegara hududidan o‘tgan o‘rta bosimli gaz quvurlarini tartibga solish ishlari olib boriladi. Shu munosabat bilan mazkur mahallalarda soat 10:00 dan 18:00 gacha gaz taʼminoti uziladi.
Bundan tashqari, Isitish magistralidagi buzilishlarni bartaraf etish maqsadida Shevchenko ko‘chasida avariyaviy taʼmirlash ishlari olib borilishi munosabati bilan bugun, 2-avgust kuni quyidagi manzillarda issiq suv taʼminoti to‘xtatildi:
- Mirobod tumani: “Gospitalniy” massivi, S.Baraka, Nukus, Shahrisabz, Shevchenko, Oybek, S.Azimov, Chexov, Chimkent, Avliyo ota, Afrosiyob ko‘chalari;
- Yashnobod tumani: S. Azimov, Gogol, Istiqlol, Istiqbol ko‘chalari;
- Yunusobod tumani: Zarafshon ko‘chasi bo‘ylab 3 ta maʼmuriy bino.
Avariyaviy ishlar soat 19:00 ga qadar yakunlanishiga qarab bugun issiq suv taʼminotini tiklash bosqichma-bosqich amalga oshiriladi. Veolia Energy Tashkent MCHJ XK vaqtinchalik noqulayliklar uchun oldindan uzr so‘raydi.
Iyul oxirlarida Yashnobod, Olmazor, Mirobod, Yakkasaroy, Shayxontohur, Chilonzor va Sergeli tumanlarining ba’zi hududlarida yuklama sabab elektr energiyasi ta’minotiga vaqtincha cheklovlar kiritilgan edi.
Izoh (0)