Талабалар ўқишини хорижий давлатлардаги ОТМлардан, шунингдек, Ўзбекистондаги хорижий ва нодавлат ОТМлардан давлат ОТМларига кўчириш бўйича тест синовлари 16 август куни бўлиб ўтади.
Тест синовлари икки сменада ташкил этилиб:
- 1-сменада 08:00 дан 11:00 га қадар;
- 2-сменада 15:00 дан 18:00 га қадар бўлиб ўтади.
Тест синовлари 2 та мутахассислик ва 3 та мажбурий фан бўйича ўтказилади ҳамда талабгорларга мутахассислик фанларида 30 тадан, мажбурий фанларда 10 тадан жами 90 та тест топшириғи ва уларни ишлаш учун 3 соат вақт берилади.
Талабгорлар тест синовида иштирок этиш учун рухсатномани Билимни баҳолаш агентлигининг “my.uzbmb.uz” сайтидан олишлари мумкин.
Талабгорлар тест синови ўтказиладиган бинога белгиланган вақтдан камида 1 соат олдин паспорт (ID-карта) ва рухсатнома билан келишлари лозим.
Вазирлар Маҳкамасининг 2017 йилдаги 393-сон қарорига мувофиқ, 15 июлдан 5 августга қадар республикадаги ОТМларда ўқишни кўчириш жараёнлари бўлиб ўтди. 13 август куни 2023/2024-ўқув йили учун Қорақалпоғистон Республикаси, вилоятлар ва Тошкент шаҳрида ОТМларнинг бакалавриат таълим йўналишларига кириш учун бошланган тест синовлари якунланди.
Изоҳ (0)