Ислом Каримов номидаги Тошкент халқаро аэропорти яқинида йўл ўтказгичнинг бешта тўсини қулаб тушганди. Ижтимоий тармоқларда ҳолат акс этган видео тарқалди.
Ҳолат 12 август куни пойтахтнинг Яккасарой тумани Бобур кўчасидан Ислом Каримов номидаги Тошкент халқаро аэропортига олиб борувчи ва Содиқ Толипов кўчасига чиқиш ва тушишга имкон берувчи йўл ўтказгични замонавий қурилиш стандартлари асосида қайта қуриш вақтида содир бўлганди.
Ҳолат акс этган видеода тўсинларнинг бир қисми юк машинасини босиб қолганини кўриш мумкин.
“Ўзбекистон темир йўллари” берган маълумотга кўра, темир-бетон оралиқ қурилмаларини (балка) кран ёрдамида монтаж қилиш жараёнида эҳтиётсизлик оқибатида бир-бирига урилиб, 5 дона балка монтаж жойидан тушиб кетган. Воқеа натижасида ҳеч ким жабрланмаган
Транспорт прокуратураси ҳодиса оқибатда 2 миллиард 760 миллион сўмлик зарар етказилганини маълум қилди. Жиноий иш очилиб, уч нафар мансабдор гумонланувчи сифатида ушланган.
Изоҳ (0)