Андижон вилояти Олтинкўл туманида дарёдан 10 ёшли бола жасади топилди. Бу ҳақда вилоят ФВБ хабар берди.
Қайд этилишича, 13 август куни соат 17:53 ларда Олтинкўл туманида яшовчи Д.А. ИИБнинг “102” қисқа рақамига мурожаат қилиб, Олтинкўл тумани ҳудудидан оқиб ўтувчи Қорадарёдан 10 ёшли ўғил бола мурдаси топилганини маълум қилган. Олиб борилган суриштирув натижасида ушбу жасад Олтинкўл тумани “Орс” МФЙ Юқори кўчасида яшаган Т.А. экани аниқланган.
Марҳум боланинг жасади суд-тиббий экспертизасига юборилган. Вилоят Фавқулодда вазиятлар бошқармаси навбатчи диспетчерлик хизматига сувда чўкиш бўйича хабар келиб тушмаган.
Андижон вилоятининг Олтинкўл туманидан оқиб ўтувчи Қорадарёда 13 июнь куни икки нафар бола сувда оқиб кетганди. 24 июль куни Қорадарёнинг Балиқчи туманидан ўқиб ўтувчи қисмида икки нафар ўсмир чўкиб кетганди.
Изоҳ (0)