Перуда ичида йўловчилари бўлган автобус қоядан қулаб тушди. Бунинг оқибатида камида 15 киши ҳалок бўлди.
Ҳодиса Перунинг шимоли-ғарбий қисмида содир бўлган. Автобус Сан Мартин департаментидан Тумбес ҳудудига кетаётган эди. Автобусда икки ҳайдовчи ва 50 нафар йўловчи бўлган. 20 дан ортиқ киши оғир тан жароҳати олиб, касалхонага ётқизилган.
Йўл-транспорт ҳодисаси сабаблари ҳозирча аниқланмаган. Перунинг RPP радиостанцияси хабарига кўра, ҳуқуқ-тартибот идоралари тергов ишларини олиб бормоқда.
- 30 июль якшанба куни Туркиянинг Карс вилоятида автобус 50 метрлик қоядан қулагани хабар қилинганди. Ҳодисага автобус ҳайдовчисининг бошқарувни йўқотиб қўйгани сабаб бўлган. Фожиа оқибатида етти киши ҳалок бўлди, яна 22 киши жароҳатланди.
Изоҳ (0)