Ҳиндистоннинг Ғарбий Бенгалия штатида ёш оила iPhone 14 олиш учун чақалоғини сотди. Бу ҳақда полицияга таяниб, The Indian Express хабар бермоқда.
Онанинг сўзларига кўра, улар саккиз ойлик ўғлини сотишдан тушган пулни саёҳат қилиш ва сўнгги русумдаги iPhone билан Instagram учун контент яратишга ишлатмоқчи бўлган. Кейинчалик маълум бўлишича, эр-хотин етти ёшли қизини ҳам сотишни режалаштирган.
Чақалоқ анчадан бери кўринмай қолгани, эр-хотинда эса кутилмаганда янги смартфон пайдо бўлганидан кейин қўшнилар маҳаллий ҳуқуқ-тартибот идораларига хабар берган. Боланинг онаси ва харидори ҳибсга олинган, отаси бўлса ҳозирда полициядан қочиб юрибди.
Жаҳон банки маълумотларига кўра, Ғарбий Бенгалияда қашшоқлик даражаси юқори бўлган кўплаб ҳудудлар мавжуд. 2022 йил учун PRS Legislative Research ҳисоботида айтилишича, минтақада аҳоли жон бошига ялпи ички маҳсулот тахминан 1 600 долларни ташкил этган, бу янги iPhone 14 нархидан бир оз кўп.
Изоҳ (0)