Қозоғистоннинг Экибастуз шаҳридаги ёнилғи қуйиш шохобчасида кучли ёнғин ва портлаш содир бўлди. Олов турар жой секторига тарқалиш хавфи бор, деб ёзмоқда Tengrinews.
Шаҳар жойлашган Павлодар вилояти Фавқулодда вазиятлар бошқармаси матбуот хизмати хабарига кўра, АЁҚШдаги ёнғин 26 июль куни соат 13:24 да (Тошкент вақти билан 12:24) бошланган. Шохобчадаги тўртта ёнилги баки ёнмоқда, ўт ўчириш ишлари олиб бориляпти.
Дастлабки маълумотларга кўра, бир киши ҳалок бўлган.
Апрель ойида Қозоғистоннинг Жанаўзен шаҳридаги икки қаватли турар жойда газ баллони портлаб, бино подъезди қулаб тушган эди, оқибатида тўрт киши ҳалок бўлган. Шунингдек, Қизилўрда шаҳридаги уйда портлаш юз берган, ҳодисада Ўзбекистон фуқароси жароҳат олганди.
Изоҳ (0)