Шимолий Қозоғистон вилоятидаги дам олиш масканларидан бири ҳудудидаги ҳайвонот боғида қўнғир айиқ одамга ҳужум қилди. Бу ҳақда “Nur.kz” хабар берди.
Маълум қилинишича, жабрланувчи оғир тан жароҳатлари билан шифохонага ётқизилган. Воқеа 30 июнь куни содир бўлган.
“Тергов гуруҳи ходимлари ёввойи ҳайвон 43 ёшли эркакка тишлаб жароҳат етказганини аниқлади. Эркак 6 июнь куни ушбу дам олиш масканига ҳудудни тозалаш ва ҳайвонларни боқиш бўйича хизмат кўрсатиш шартномаси асосида синов муддатига қабул қилинганди”, — дейилади хабарда.
Мазкур ҳолат Жиноят кодексининг 156-моддаси 2-қисми (Меҳнатни муҳофаза қилиш қоидаларини бузиш) билан қайд этилган. Ҳозирда тергов ҳаракатлари олиб борилмоқда, натижалари бўйича якуний процессуал қарор қабул қилинади.
Изоҳ (0)