Санжар Обидов Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди, деб хабар бермоқда пойтахт ҳокимлиги матбуот хизмати.
Санжар Обидов 1986 йилда Фарғона вилоятида туғилган. Тошкент молия институтини ва Буюк Британиянинг Стерлинг университетини тамомлаган.
Бугунга қадар қатор масъул лавозимларда — Вазирлар Маҳкамаси ҳузуридаги Таълим сифатини назорат қилиш давлат инспекцияси Педагог кадрлар сифати назорати, таълим ҳужжатларини легаллаштириш, тан олиш ва нострификация қилиш бош бошқармаси бошлиғи, Хорижий тилларни ўрганишни оммалаштириш агентлиги директори в.в.б бўлиб ишлаган.
Вазирлар Маҳкамасининг тегишли қарорига кўра 6 март куни Санжар Обидов Хорижий тилларни ўрганишни оммалаштириш агентлиги директорининг ўринбосари лавозимидан озод қилинган ва унга Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директори вазифасини вақтинча бажариш юклатилгани бекор қилинган.
Изоҳ (0)