Hukumatning tegishli qaroriga ko‘ra, Vazirlar Mahkamasi huzuridagi Xorijiy tillarni o‘rganishni ommalashtirish agentligi direktorining o‘rinbosari Sanjar Obidov agentlik direktori vazifasini vaqtincha bajaruvchi etib tayinlandi.
Xorijiy tillarni o‘rganishni ommalashtirish agentligi O‘zbekiston Prezidentining 19-may kuni qabul qilgan xorijiy tillarni o‘rganishni ommalashtirish tizimini takomillashtirish bo‘yicha qarori bilan tashkil etilgan. Shu kuni hukumat tomonidan qabul qilingan qaror bilan Sanjar Obidov agentlik direktor o‘rinbosari etib tayinlangandi.
Eslatib o‘tamiz, O‘zbekistonda Xorijiy tillarni o‘rganishni ommalashtirish agentligi tashkil etilishi haqida 6-may kuni Shavkat Mirziyoyev raisligida o‘tkazilgan yig‘ilishda ma’lum qilingandi. “Agentlik, eng avvalo, dunyoda samarali natija bergan o‘qitish metodikalari, dastur va darsliklarini bog‘cha, maktab, litsey, oliygoh va o‘quv markazlarida joriy etib, xorijiy tillarni mukammal o‘zlashtirishga ko‘maklashadi”, — degan edi Prezident.
Izoh (0)