Xorijiy tillarni o‘rganishni ommalashtirish agentligi direktori o‘rinbosarlari lavozimdan olindi

Vazirlar Mahkamasi huzuridagi Xorijiy tillarni o‘rganishni ommalashtirish agentligi direktorining ikki o‘rinbosari lavozimidan ozod qilindi.

Vazirlar Mahkamasining tegishli qaroriga ko‘ra:

• Sanjar Obidov Xorijiy tillarni o‘rganishni ommalashtirish agentligi direktorining o‘rinbosari lavozimidan ozod qilindi va unga Vazirlar Mahkamasi huzuridagi Xorijiy tillarni o‘rganishni ommalashtirish agentligi direktori vazifasini vaqtincha bajarish yuklatilgani bekor qilindi.
• Azimjon Xusanov Xorijiy tillarni o‘rganishni ommalashtirish agentligi direktorining o‘rinbosari lavozimidan ozod qilindi.

Eslatib o‘tamiz, O‘zbekistonda Xorijiy tillarni o‘rganishni ommalashtirish agentligi tashkil etilishi haqida 2021-yil 6-may kuni Shavkat Mirziyoyev raisligida o‘tkazilgan yig‘ilishda ma’lum qilingandi. “Agentlik, eng avvalo, dunyoda samarali natija bergan o‘qitish metodikalari, dastur va darsliklarini bog‘cha, maktab, litsey, oliygoh va o‘quv markazlarida joriy etib, xorijiy tillarni mukammal o‘zlashtirishga ko‘maklashadi”, — degan edi prezident.

Shu yilning 20-mayida Azimjon Xusanov va Sanjar Obidov Vazirlar Mahkamasi huzuridagi Xorijiy tillarni o‘rganishni ommalashtirish agentligi direktorining o‘rinbosarlari etib tayinlangandi.