Самолётдаги парвоз вақтида қандай маҳсулотларни истеъмол қилишдан тийилиш керак?

Самолётдаги таом жуда иштаҳаочар кўриниши табиий, айниқса, парвоз узоқ давом этиб, қорнингиз очган бўлса. Бироқ, самолётда овқатланиш ва ичимликлар тайёрлаш билан бевосита шуғулланадиганлар бу борада ўз фикрларини билдиришлари мумкин.

Одатда, йўловчиларнинг кўпчилиги бортда хизмат кўрсатилишни интиқлик билан кутишади. Парвоз вақтида таом таклиф этилмайдиган ҳолатларда улар чой ёки қаҳвани рад этишмайди. Кўп одамлар самолётда газаклар ва иссиқ овқатни жуда яхши кўрадилар — бу саргузаштнинг бир қисмига айланади, чунки биз ҳар куни учмаймиз.

Аммо стюардессалар иш вақтини кунора ҳавода ўтказишади. Стюардессалар Уитни ва Жаклинлар ҳамкасби Дэннис билан бирга ижтимоий тармоқларидаги саҳифаларига самолётда нималарни еб-ичмасликлари ҳақида пост улашди. Мутахассислар иш жойини ошкор қилмаган ҳолда парвоз вақтида овқатланишга қўйиладиган талаблар турли авиакомпанияларда ҳар хил бўлиши мумкинлигини, аммо шунга қарамай, бу борадаги баъзи қоидалар ва камчилик жиҳатларини таъкидлаб ўтди.

Кофе, чой ва сув

Борт кузатувчилари огоҳлантирадилар: бортдаги сув қадоқланган бўлади ва йўловчилар унинг келиб чиқишини текширишлари осон, бундан ташқари, агар керак бўлса, хизмат кўрсатувчилар кўз олдингизда шишани очиб, бир қисмини стаканга ёки ўзингизнинг каттароқ идишингизга қуйишлари мумкин. Бироқ, қаҳва ва чой учун қайноқ сув кўпинча бошқа жойдан яъни, водопроводдан олинган сув ишлатилади. (агар парвозда таклиф этилса, муз ҳам ундан тайёрланади).

Кўпгина замонавий самолёт моделлари ўзларининг босимли айланма қувурлари билан жиҳозланган. Парвоздан олдин унга маиший эҳтиёжлар учун ичимлик суви қуйилади, аммо бу тизимнинг қувурларига қанчалик тез-тез хизмат кўрсатилиши ва улар қандай тозаланиши масалининг муҳим жиҳатидир. Тахмин қилмаслик учун стюардессалар парвозда чой ва қаҳва ичмайди. Аниқлик киритилишича, бу ичимликлар, қўшимча равишда сувсизланишга олиб келади ва учиш организмни том маънода қуритади.

Спиртли ичимликлар

Юқори фоизли алкогол организмга ниҳоятда салбий таъсир кўрсатади, гипоксияни қўзғатади. Бу организм тўқималарида паст кислород миқдори билан боғлиқ ҳолат. Бу тез ва кучли заҳарланишга олиб келади ва қўшимча равишда сувсизлантиради. Шунинг учун авиакомпания ходимлари ҳар қандай ҳолатда парвоз вақтида спиртли ичимликлар ичмайди.

Газаклар

Борт экипажи шўр газаклар (жумладан, пишлоқ ва зайтун) ва барча турдаги газакларни истеъмол қилмайди. Сабаби оддий — улар сувни ушлаб турадиган ва ташналикни келтириб чиқарадиган кўп миқдорда натрийни ўз ичига олади. Самолётда учган одамларнинг кўпчилигида “саёҳатчининг ич қотиши” билан таниш. Бу ўзига хос ҳолат бўлиб, парвоз вақтида намликни йўқотишнинг кўпайиши туфайли ичак муаммолари ривожланади. Борт кузатувчилари ва стюардессалар хавф остида, шунинг учун улар вазиятни оғирлаштирмаслик учун ҳамма чорани кўради.

Иссиқ овқатлар

Самолётда паст босим туфайли кўплаб озиқ-овқатлар камроқ таъмга эга, шунинг учун парвоз пайтида овқатлар, айниқса, гўштсиз таомларга, одатда, туз ва зираворлар кўпроқ қўшилади. Бу эътиборга олиш керак бўлган муҳим омил.

Борт кузатувчилари гўштнинг катта бўлаклари (филе ёки стейк)ни истеъмол қилишдан ўзларини тийиб туришади, чунки самолёт печида барча қисмларни самарали ва бир текис иситиш иложсиз.

Самолётда овқатланиш учун энг яхши нарсалар қайси?

Парвозда истеъмол қилинган натрийга бой ва ҳаддан ташқари қайта ишланган овқатлар бош оғриғига, чарчоққа ва ошқозон ишламаслигига олиб келиши мумкин. Ёғсиз протеин, сабзавот ва мевалар, кокос суви — борт кузатувчилари қиладиган газаклар. Ушбу маҳсулотлар ичак моторикасини ва гидрацияни нормаллаштиради. Шунингдек, моделларнинг лайфхакидан ҳам фойдаланишингиз мумкин — улар ҳеч қачон самолётда овқатланмайди.