Samolyotdagi taom juda ishtahaochar ko‘rinishi tabiiy, ayniqsa, parvoz uzoq davom etib, qorningiz ochgan bo‘lsa. Biroq, samolyotda ovqatlanish va ichimliklar tayyorlash bilan bevosita shug‘ullanadiganlar bu borada o‘z fikrlarini bildirishlari mumkin.
Odatda, yo‘lovchilarning ko‘pchiligi bortda xizmat ko‘rsatilishni intiqlik bilan kutishadi. Parvoz vaqtida taom taklif etilmaydigan holatlarda ular choy yoki qahvani rad etishmaydi. Ko‘p odamlar samolyotda gazaklar va issiq ovqatni juda yaxshi ko‘radilar — bu sarguzashtning bir qismiga aylanadi, chunki biz har kuni uchmaymiz.
Ammo styuardessalar ish vaqtini kunora havoda o‘tkazishadi. Styuardessalar Uitni va Jaklinlar hamkasbi Dennis bilan birga ijtimoiy tarmoqlaridagi sahifalariga samolyotda nimalarni yeb-ichmasliklari haqida post ulashdi. Mutaxassislar ish joyini oshkor qilmagan holda parvoz vaqtida ovqatlanishga qo‘yiladigan talablar turli aviakompaniyalarda har xil bo‘lishi mumkinligini, ammo shunga qaramay, bu boradagi ba’zi qoidalar va kamchilik jihatlarini ta’kidlab o‘tdi.
Kofe, choy va suv
Bort kuzatuvchilari ogohlantiradilar: bortdagi suv qadoqlangan bo‘ladi va yo‘lovchilar uning kelib chiqishini tekshirishlari oson, bundan tashqari, agar kerak bo‘lsa, xizmat ko‘rsatuvchilar ko‘z oldingizda shishani ochib, bir qismini stakanga yoki o‘zingizning kattaroq idishingizga quyishlari mumkin. Biroq, qahva va choy uchun qaynoq suv ko‘pincha boshqa joydan ya’ni, vodoprovoddan olingan suv ishlatiladi. (agar parvozda taklif etilsa, muz ham undan tayyorlanadi).
Ko‘pgina zamonaviy samolyot modellari o‘zlarining bosimli aylanma quvurlari bilan jihozlangan. Parvozdan oldin unga maishiy ehtiyojlar uchun ichimlik suvi quyiladi, ammo bu tizimning quvurlariga qanchalik tez-tez xizmat ko‘rsatilishi va ular qanday tozalanishi masalining muhim jihatidir. Taxmin qilmaslik uchun styuardessalar parvozda choy va qahva ichmaydi. Aniqlik kiritilishicha, bu ichimliklar, qo‘shimcha ravishda suvsizlanishga olib keladi va uchish organizmni tom ma’noda quritadi.
Spirtli ichimliklar
Yuqori foizli alkogol organizmga nihoyatda salbiy ta’sir ko‘rsatadi, gipoksiyani qo‘zg‘atadi. Bu organizm to‘qimalarida past kislorod miqdori bilan bog‘liq holat. Bu tez va kuchli zaharlanishga olib keladi va qo‘shimcha ravishda suvsizlantiradi. Shuning uchun aviakompaniya xodimlari har qanday holatda parvoz vaqtida spirtli ichimliklar ichmaydi.
Gazaklar
Bort ekipaji sho‘r gazaklar (jumladan, pishloq va zaytun) va barcha turdagi gazaklarni iste’mol qilmaydi. Sababi oddiy — ular suvni ushlab turadigan va tashnalikni keltirib chiqaradigan ko‘p miqdorda natriyni o‘z ichiga oladi. Samolyotda uchgan odamlarning ko‘pchiligida “sayohatchining ich qotishi” bilan tanish. Bu o‘ziga xos holat bo‘lib, parvoz vaqtida namlikni yo‘qotishning ko‘payishi tufayli ichak muammolari rivojlanadi. Bort kuzatuvchilari va styuardessalar xavf ostida, shuning uchun ular vaziyatni og‘irlashtirmaslik uchun hamma chorani ko‘radi.
Issiq ovqatlar
Samolyotda past bosim tufayli ko‘plab oziq-ovqatlar kamroq ta’mga ega, shuning uchun parvoz paytida ovqatlar, ayniqsa, go‘shtsiz taomlarga, odatda, tuz va ziravorlar ko‘proq qo‘shiladi. Bu e’tiborga olish kerak bo‘lgan muhim omil.
Bort kuzatuvchilari go‘shtning katta bo‘laklari (file yoki steyk)ni iste’mol qilishdan o‘zlarini tiyib turishadi, chunki samolyot pechida barcha qismlarni samarali va bir tekis isitish ilojsiz.
Samolyotda ovqatlanish uchun eng yaxshi narsalar qaysi?
Parvozda iste’mol qilingan natriyga boy va haddan tashqari qayta ishlangan ovqatlar bosh og‘rig‘iga, charchoqqa va oshqozon ishlamasligiga olib kelishi mumkin. Yog‘siz protein, sabzavot va mevalar, kokos suvi — bort kuzatuvchilari qiladigan gazaklar. Ushbu mahsulotlar ichak motorikasini va gidratsiyani normallashtiradi. Shuningdek, modellarning layfxakidan ham foydalanishingiz mumkin — ular hech qachon samolyotda ovqatlanmaydi.
Izoh (0)