Шоколад, айниқса, қора шоколад бир нечта фойдали компонентларни ўз ичига олади. У соғлиқ учун фойдали бўлган турли антиоксидантларнинг бой манбаи ҳисобланади. Бундан ташқари, шоколад таркибида магний, темир ва мис каби минераллар мавжуд. Шу ўринда шоколаднинг озуқавий таркиби ишлатиладиган турга ва қайта ишлаш усулларига қараб фарқ қилиши мумкинлигини таъкидлаш муҳимдир, деб ёзади Wday нашри.
Кундалик шоколад истеъмол қилиш билан боғлиқ асосий муаммолардан бири — бу унинг вазнни бошқаришга таъсиридир. Шоколад, одатда, юқори калория ва шакарга бой бўлиб, ортиқча истеъмол қилинса килограмм ортишига ҳисса қўшиши мумкин.
Аммо қора шоколад юрак-қон томир тизими учун потенсиал фойда келтиради. Шоколадда мавжуд бўлган фойдали элементлар қон айланишини яхшилайди, яллиғланишни камайтиради ва қон босимини пасайтиради.
Какао миқдори юқори бўлган қора шоколадни танлаш, шу билан бирга шакар миқдори кўп бўлган шоколад маҳсулотларини истеъмол қилишни чеклаш тавсия этилади. Шоколад кайфиятни кўтариши ва завқланиш ҳиссини улашиши ҳақидаги қарашлар узоқ вақтдан бери мавжуд. Бу серотонин ва допамин каби эндорфинлар, бошқа гормонлар таркиби билан изоҳланади.
Шоколад истеъмол қилиш вақтинчалик кайфиятни кўтаради ва дам олишга ёрдам беради. Бироқ таъсир одатда қисқа муддатли бўлади, шунинг учун ортиқча истеъмол қилиш унга қарамликка олиб келиши мумкин ва бу умумий психологик ҳолат учун салбий оқибатларга сабаб бўлади. Бундан ташқари, шоколаддаги юқори шакар миқдори тиш саломатлигига зарар етказиши мумкин.
Ушбу ширинликни тез-тез истеъмол қилиш кариес ривожланишига олиб келади. Оғиздаги бактериялар шакар билан озиқланади ва тиш эмалига зиён келтирадиган кислоталар ҳосил қилади. Оғиз бўшлиғини мунтазам равишда тозалаш ва иплар билан ювиш каби гигиена усуллари тиш саломатлигига салбий таъсирларни камайтиришга ёрдам беради.
Изоҳ (0)