Адель концерт дастурида мухлислари орасида унга марҳум рафиқасининг суратини кўрсатаётган эркакни учратди. Хонанда мухлисининг бу ҳолатидан шу қадар таъсирланганки, у ҳатто дастурни тўхтатишга мажбур бўлган. Адель нима бўлаётганини тушунмаган минглаб томошабинлар олдида йиғлаб юборган.
Буларнинг барчаси Лас-Вегасдаги концерт дастурида содир бўлди
Хонанда Лас-Вегасдаги Caesar’s Palace саройидаги концерт дастурида When Wе Wеrе Young таронасини ижро этаётган пайтда ўз мухлислари билан кўришишга қарор қилди. Айнан шу вақтда хонанда мухлислари орасида қўлида телефон ушлаган эркакни кўриб қолган.
Адель бу мухлисининг нимани кўрсатаётганини тушунган
Адель мухлисини пайқаган заҳоти томошабинларга юзланди: “Оломон орасидан ўтаётганимда мен кўрган нарсаларни кўришингизни хоҳлардим. Мен кўпинча инсонлар ҳаётидан олинган кичик ҳикояларни томоша қиламан. Мен бир инсонга эътибор қаратдим, у қўлида телефон ушлаб турарди. Менимча, у рафиқасининг фотосуратини кўрсатди. У бу ерда йўқ эди. Мен бу воқеадан жуда таъсирландим”, — дейди хонанда.
У ўз мухлисига ҳамдардлик билдирди
Мухлиси марҳум рафиқасининг суратини кўрсатаётганини англаган хонанда: “Бу ерда ёлғизга ўхшайсиз, уни йўқотганингиздан жуда афсусдаман. Менга нима кўрсатаётганингизни дарҳол тушунмадим. Кечиринг, шунчаки инсонларнинг ёнидан ўтаётганимда уларнинг ҳаётидаги мана шу кичик парчаларни кўргандек бўламан ва бу жуда чиройли”, — деб айтган.
Бу воқеа мухлисларнинг меҳрига сазовор бўлди
Видео мухлислар орасида шов-шувга сабаб бўлди. Мухлислардан бири: “Адель оқкўнгил. У ажойиб инсон”, — деб изоҳ қолдирган. “Бу инсон дунёдаги энг яхши нарсаларга лойиқ ва уни Аделга ўхшаган инсон ҳимоя қилиш керак”, — дейди яна бир ижтимоий тармоқ фойдаланувчиси.
Изоҳ (0)