Дэнни Де Вито ва Реа Перлманнинг қизи жуда машҳур актриса бўлганини ва Билли Жоэл ва Кристи Бринклининг қизи отасининг изидан бориб, ҳаётини мусиқа билан боғлаганини ҳамма ҳам билмайди. AdMe нашри дунёга машҳур инсонларнинг фарзандлари қандай кўринишга эга эканлиги ва нима билан шуғулланаётгани ҳақида маълумот берди.
Пирс Броснан, Кили Шей Смит ва уларнинг ўғли Перис
Пирс Броснан ва Кили Шей Смитнинг ўғли 2001 йилда туғилган. Яқинда Перис кино ва телевидение мактабини тамомлади, отаси уни ижтимоий тармоқда рафиқаси билан биргаликда суратга тушиб, табриклади. Перис отасининг изидан бориши мумкин.
Кетрин Зета-Жонс, Майкл Дуглас ва уларнинг қизи Керис
2000 йилда Кетрин Зета-Жонс ва Майкл Дуглас турмуш қурди. Орадан кўп ўтмай уларнинг қизи Керис дунёга келди. Керис мусиқага қизиқади: у тез-тез ижтимоий тармоқдаги саҳифасига қўшиқ куйлаётгани ва пианино чалаётгани акс этган видеоларни жойлаштиради. Кўпчилик Керисни онасига жуда ўхшашлигини айтади.
Памела Андерсон, Томми Ли ва уларнинг ўғли Брендон Томас
Памела Андерсон 6 марта турмушга чиққан. Унинг биринчи турмуш ўртоғи Томми Лига билан турмушидан Брендон Томас исмли ўғли бор. У ҳозирда моделлик билан шуғулланади, фильмларда рол ўйнайди ва ҳатто ўзининг кийим-кечак линиясини ишга туширган. Яқинда Брендон продюсер сифатида ишлаган “Памела: Севги ҳикояси” фильми экранларга чиқди.
Рассел Симмонс, Кимора Ли ва уларнинг қизлари Минг ва Аоки
Продюсер Рассел Симмонс ва тадбиркор, мода дизайнери Кимора Лининг икки нафар — Минг (2000 йилда туғилган) ва Аоки (2002 йилда туғилган) исмли қизи бор. Минг Нью-Йорк университетини тамомлаган ва ўз ҳаётини мода олами билан боғламоқчи. Аоки Гарвард университетини тамомлаган, мода билан шуғулланади, бироқ келажакда ҳуқуқшунос бўлишни режалаштирмоқда.
Дэнни Де Вито, Реа Перлман ва уларнинг қизи Люси
Дэнни Де Вито ва Реа Перлманнинг турмуш қурганига 35 йил бўлди. Жуфтликнинг Люси исмли қизи бор. У ҳозирда театрда фаолият юритади. Актриса умумий ҳисобда 50 та фильмда суратга тушди ва тез орада унинг иштирокидаги бир нечта лойиҳалар намойиш этилади. Улар қисқа метражли фильм, телесериал ва бадиий фильмни ўз ичига олади.
Билли Жоэл, Кристи Бринкли ва уларнинг қизи Алекса Рей
Билли Жоэл ва модел Кристи Бринклининг 1985 йилда туғилган Алекса Рей исмли қизи бор. Орадан бир неча йил ўтгач, унинг отаси “Lullabye” қўшиғини ёзди. Алекса ўзини моделлик соҳасида синаб кўрди, аммо мусиқа унинг асосий фаолият соҳаси ҳисобланади.
Хейди Клум, Флавио Бриаторе ва уларнинг қизи Лени
Модель Хейди Клум 2003 йилда италиялик тадбиркор Флавио Бриаторе билан муносабатларни бошлади ва кейинги йили уларнинг қизи Лени дунёга келди. Жуфтлик қизи туғилишидан олдин ажрашди ва Ленини моделнинг бўлажак турмуш ўртоғи асраб олди. У ҳозир 19 ёшда ва моделлик бизнесида карьерасини бошламоқда, шунингдек, у бир вақтнинг ўзида интерьер дизайнни ўрганмоқда.
Кейт Уинслет, Жеймс Триплтон ва уларнинг қизи Миа
1998 йилда Кейт Уинслет режиссёр ёрдамчиси Жеймс Триплтон билан турмуш қурди, жуфтликнинг турмушидан Миа исмли қизи бор. У 14 ёшида фильмларда рол ўйнай бошлади. Мианинг дебюти “Версал романтикаси” фильмида бўлди. Яқинда у онаси билан бирга “Мен Рутман” фильмида суратга тушди, бу фильмидаги роли учун Кейт BAFTA мукофотига сазовор бўлди.
Ферги, Жош Дюамел ва уларнинг ўғли Эксл Жек
2004 йилда Ферги актёр Жош Дюамел билан учраша бошлади ва бир оздан кейин у билан турмуш қурди. Ўзаро муносабатлар бошланганидан 9 йил ўтгач, жуфтликнинг ўғли дунёга келди. Бироқ бир неча йил ўтгач, Ферги ва Жош ажрашишга қарор қилди. Жош Дюамел ўғлини тарбиялашда Фергига ёрдам беради ва кўпинча ижтимоий тармоқларда оилавий тушган фотосуратларни жойлаштиради.
Робин Уильямс, Марша Гарсес ва уларнинг қизи Зелда
Робин Уильямс 1989 йилда Марша Гарсес билан турмуш қурди. Кейинчалик уларнинг қизи Зелда дунёга келди. Қизалоқ 5 ёшида актриса сифатида дебют қилди, кейинчалик у People журнали берган маълумотларга кўра 100 та энг гўзал инсонлар рўйхатига киритилган. 2018 йилда Зелда қисқа метражли фильм ёзди ва лойиҳага режиссёрлик қилди, бу эса кейинчалик телесериалга айланди. Яқинда Зелда ўзини режиссёрликда синаб кўрди ва “Лиза Франкенштейн” фильмини суратга олди.
Фаррел Уильямс, Хелен Ласичан ва уларнинг ўғли Рокет
2013 йилда хонанда Фаррел Уильямс бир мунча вақт учрашиб юрган модел Хелен Ласичан билан турмуш қурди. Орадан вақт ўтиб уларнинг биринчи фарзанди Рокет дунёга келди. Фаррел ўғлига атаб “Яхши бўлиш осонми?” мултфильмига саундтрек ҳам ёзган. Жуфтлик кўпинча катта ўғлини ўзи билан бирга ижтимоий тадбирларга олиб боради ва ҳатто мода подиумларида у билан бирга чиқишади.
Метт Деймон, Лусиана Босан Баррозо ва уларнинг қизлари Жиа ва Стелла
Метт Деймон ва Лусиана Босан Баррозо 2005 йилда турмуш қурди. Кейинчалик уларнинг қизи Жиа ва бир неча йил ўтгач, Стелла исмли қизи дунёга келди. Жуфтликнинг 3 та қизи бор.
Мадонна, Карлос Леон ва уларнинг қизи Лурдес Мария
Мадонна 3 йил ўзининг шахсий мураббийи Карлос Леон билан учрашди. 1996 йилда уларнинг қизи Лурдес Мария дунёга келди. У болалигида балет, кейин эса моделлик билан шуғулланган. Яқинда Мария ўзини хонанда деб эълон қилди ва ҳозирда Lolahol номи остида қўшиқлар ёзмоқда.
Изоҳ (0)