“Аватар”, “Титаник” ва “Терминатор” каби машҳур фильмларнинг режиссёри Жеймс Кемерон Калифорния соҳилидаги ҳашаматли мулкини сотувга қўйди. У уйини 33 миллион долларга сотишни режалаштирган, деб ёзмоқда “Корреспондент.нет” нашри.
Мулк “Гавайи курорти” услубида қурилган. Уй Санта Барбара округида, Голлистернинг Гавиотанинг ёпиқ туманида жойлашган бўлиб, асосий бино, меҳмонхоналар, гаражли катта шийпон ва ҳатто вертолёт майдончасини ўз ичига олади.
Жеймс Кемерон рафиқаси билан 1990 йилларнинг охирида бу мулкни 4,3 миллион долларга сотиб олган, ҳозирда жуфтлик Янги Зеландияда истиқомат қилади. Кемерон бу уйда рафиқаси Сюзи Эмис билан 20 йил яшаган.
Хоналарнинг баланд шифтига чироқ қўйилган, шунингдек, уй нур тушиб турадиган деразаларга эга. Асосий ётоқхонада полдан шифтгача деразалар, камин ва ёғочдан ясалган тўртта каравот мавжуд. Деразалар, терассалардан океан ва тоғларнинг ажойиб манзарасини кўриш мумкин.
Бутун ҳудуд оқ деворлар билан ўралган. Шунингдек, ҳудудда гўзал манзарали катта сузиш ҳавзаси ва иккита қудуқ мавжуд.
Изоҳ (0)