Германия Украинанинг НАТОга аъзолиги ҳақидаги қарорни блокировка қилмоқчи. Bild нашри тегишли ички ҳукумат ҳужжати билан танишди.
Мазкур маълумотни Германия ҳукуматидаги Bild манбалари ҳам тасдиқлаган.
Франция, Буюк Британия, Польша ва Болтиқбўйи давлатлари Украинани имкон қадар тезроқ ҳарбий иттифоққа таклиф қилиш тарафдори, аммо Германиядан ташқари бу режа АҚШ томонидан ҳам қўллаб-қувватланмайди.
Берлин ва Вашингтон 2008 йилда қабул қилинган “Аъзолик бўйича ҳаракатлар режаси”ни қўллаб-қувватлаш учун бирлашди: у Киевнинг НАТОга қўшилишдан олдин амалга ошириши керак бўлган кўплаб қадамларни ўз ичига олади.
АҚШнинг позицияси эса юмшоқроқ
Bild маълумотларига кўра, Америка раҳбарияти кейинги ислоҳотларни ҳисобга олган ҳолда Украина бўйича узоқ муддатли “Ҳаракат режаси”дан воз кечишга рози.
“Биз Украинага Финляндия моделини, яъни уруш тугаши билан бир неча ой ичида альянсга қўшилишни таклиф қилмоқчи эдик”, — дейди америкалик дипломатлардан бири.
Шу билан бирга, Олаф Шольц ҳукумати “Украина НАТОга киришга деярли тайёр” деган ҳар қандай иборанинг ўринсизлигини таъкидламоқда.
Германия саммит охирида якуний ҳужжатдаги таклиф ҳақидаги эслатмага ҳам, “Украинанинг НАТОдаги муносиб ўрни” ҳақидаги сўзларга ҳам рози бўлишни ният қилмаяпти.
Айни пайтда Шимолий Атлантика альянсида Берлин позициясидан норозилик кучаймоқда.
“Шольцнинг хавфсизлик сиёсатидаги ўзгаришлар, эҳтимол, Украинага тааллуқли эмас”, — деди дипломатлардан бири.
Bild хабарига кўра, бугун (10 июль) кечқурун Германия вакиллари Вилнюсда НАТО бўйича бошқа ҳамкорлар билан учрашиб, Украинанинг аъзолиги масаласида яна бир бор муроса топишга ҳаракат қилади.
“Энг ёмон ҳолатда, сешанба куни (11 июль) ҳукумат раҳбарларининг ўзлари вазиятга аралашишига тўғри келади”, — деди Bild манбаси.
Изоҳ (0)