Швейцария Америка Қўшма Штатларининг Украинага кассетали бомбалар етказиб беришни бошлаш ҳақидаги қарорини эътиборга олиб, дунё давлатларини улардан фойдаланмасликка чақирди, деб маълум қилди мамлакат ТИВ матбуот котиби Пьер-Ален Элчингер.
"Швейцария Қўшма Штатлар томонидан қабул қилинган қарорни эътиборга олди. Кассетали бомбалар тўғрисидаги конвенция га аъзо давлат сифатида у ушбу қуролларнинг тақиқланишини қўллаб-қувватлайди ва барча давлатларни улардан фойдаланмасликка чақиради. Номутаносиб ҳужумлар тақиқланади ва халқаро гуманитар ҳуқуқнинг жиддий бузилиши сифатида баҳоланади”, — деди у.
АҚШ президенти Жо Байден 7 июль куни Киевга кассетали бомбалар етказиб беришни бошлаш ҳақидаги қарорини эълон қилди. Россия Ташқи ишлар вазирлигининг расмий вакили Мария Захарованинг таъкидлашича, бундай ҳаракат тинч аҳоли учун хавф туғдиради ва можарони узайтиришга қаратилган.
Изоҳ (0)