Канада бош вазири Жастин Трюдо мамлакат Латвиядаги қўшинлари сонини икки бараварга оширишини маълум қилди. Бу ҳақда UNIAN хабар берди.
Трюдо мазкур чора НАТОнинг шарқий қанотини мустаҳкамлаш учун қўлланишини айтди.
“Латвияга Канада бошчилигидаги жанговар гуруҳни кучайтириш учун қўшимча 1200 нафар аскар юборилади, бу эса жанговар тайёр бригадага қадар кенгайтирилади”, — деди Тюдо.
Унинг баёноти 10 июль куни Латвиянинг Адази шаҳридаги ҳарбий базада янгради. Тюдо қурол-ярог”, разведка ва кибер фаолиятга 2,6 миллиард Канада доллари (2 миллиард доллар) сармоя киритилишини айтди.
“Биз бу ердамиз, чунки Европа хавфсизлиги Канада хавфсизлиги учун муҳим”, — деди Трюдо.
Канада олти йил давомида НАТОнинг Латвиядаги кўп миллатли жанговар гуруҳини бошқариб келади ва ҳозирда у ерда 700 га яқин аскар бор. Бу кучлар НАТОнинг ҳудуддаги тўртта жанговар гуруҳидан биридир.
Совет Иттифоқи парчаланганидан кейин Россиянинг ҳудудларни қайтариб олишга уриниши ҳақида огоҳлантирган Болтиқбўйи давлатлари бир неча йиллардан бери иттифоқчиларни Россия ҳужумидан қайтариш учун минтақадаги қўшинларини доимий равишда оширишга чақириб келади.
Канаданинг қарори Германия мудофаа вазири Борис Писториуснинг июнь ойида кутилмаган баёнотидан кейин қабул қилинди, у Германия Литвада 4000 га яқин аскардан иборат доимий бригадани жойлаштиришга тайёрлигини айтди, гарчи бу қадам узоқ йиллар давом этиши мумкин.
Изоҳ (0)