АҚШнинг Луизиана штатида яшовчи Зоуи лақабли ит дунёдаги энг узун тилга эга бўлган ҳайвон сифатида Гиннеснинг рекордлар китобига киритилди.
Зоуи — лабрадор ва немис овчаркасининг дурагайи ҳисобланади. Итнинг тили 12,7 см. Соддароқ қилиб айтганда, итнинг тили газли ичимлик идишидан узунроқ.
Ит уч ёшда. У атиги олти ҳафталик бўлганида Сади ва Дрю Уильямс оиласида туғилган. Жуфтлик итнинг тили оғзидан чиқиб кетаётганини пайқаган, бироқ бу ҳолатни вақтинчалик деб ўйлашган. Вақт ўтиши билан нафақат Зоуи, балки унинг тили ҳам ўсди.
Зоуи бахтли ҳаёт кечирмоқда. У тўп тутишни, олмахон қувишни, машинада сайр қилишни ва дарёда сузишни яхши кўради. Унинг узун тили ҳеч нарсага халақит бермаётганга ўхшайди.
Аввалроқ дунёдаги энг узун тилга эга ит сифатида Аризона штатида яшовчи инглиз сеттери Бисби Гиннеснинг рекордлар китобига киритилган эди. Бу итнинг тили 9,5 см ни ташкил қилган. Шунингдек, Жанубий Дакотада яшаган сенбернар Моти лақабли ит барча итлар орасида мутлақ чемпион саналади, итнинг тили — 18,58 см бўлган. Моти 2021 йилда вафот этган.
Изоҳ (0)