Нешвиллик (АҚШнинг Тенниси штатида жойлашган жой номи) 57 ёшли Кевин Магиннис тажриба ўтказди. У 100 кун давомида ҳар куни МcDonald’sда овқатланиб, 27 кг вазн йўқотди.
Магиннис якунда умумий 27 килограммга озганини, тажрибанинг бошида унинг вазни тахминан 108 кг бўлганини таъкидлаган.
У тажриба жараёнидаги ўзгаришларни ҳужжатга қайд этиб борган, шунингдек, бу жараёнлар акс этган видеони TikTok ва YouTube’га жойлаштирган. Фаст-фудли парҳезнинг бир қисми сифатида у кунига уч марта фақат МcDonald’s таомларини истеъмол қилган ва вақт ўтиши билан овқат миқдорини камайтириб борган. Бундан ташқари, у фақат сув ичган ва газакларни татиб кўрмаган.
Магинниснинг тажрибаси ҳақидаги маълумотлар оммавий ахборот воситаларида тарқалгач, у тажрибани бошлашдан олдин ва кейин қандай кўринишга эга бўлгани акс этган суратларни тақдим этди. Магинниснинг сўзларига кўра, у тажрибадан сўнг ўзини ажойиб ҳис қилмоқда.
Кевиннинг айтишича, у умуман калорияларни ҳисобламаган ва МcDonald’s менюсидан ўзи истаган ҳамма нарсани, масалан Big Маки, фри, ширинлик ва бошқа егуликларни истеъмол қилган.
Шунингдек, Магиннис аҳволи бошқа кўрсаткичларда ҳам яхшиланганини таъкидлади. Масалан, ундаги триглицеридлар даражаси 205, холестерин даражаси эса 65 баллга камайган.
Кевин МcDonald’s билан ҳеч қандай алоқаси йўқлигини таъкидлади ва компания унга бу тажриба учун пул тўламаган. Магинниснинг сўзларига кўра, унинг ўзи ушбу фаст-фуд тармоғини танлаган, чунки уни ҳар доим Биг Мак деб чақиришган.