Калифорниялик блогер Брент Ривера Чарли лақабли итига икки қаватли уй қуриб берди. Уй ҳайвонининг туғилган куни учун тайёрланган совғага 20 минг доллар сарфланган.
25 ёшли йигитнинг сўзларига кўра, у ҳамма ишни дўсти билан қилган. Улар керакли материалларни уйига энг яқин қурилиш гипермаркетидан сотиб олган. Блогер уйни қуриш жараёнини ўзининг YouTube каналида трансляция қилган.
Уйда меҳмонхона ва инсон бўйи баландлигида шифтли ётоқхона мавжуд. Хоналарга ҳақиқий жиҳозлар ўрнатилган, уйнинг ичида ухлаш учун каравот, диван, юмшоқ кресло, ёстиқлар, кичкина кофе столи, уйғотувчи соат бор.
Блогер ҳаттоки севимли уй ҳайвонининг хонасини кичкина музлаткич ва телевизор билан жиҳозлаган. Телевизорда фақат олмахонлар ҳақидаги видеолар намойиш этилади.
Ривера аввалги итининг ўлимидан сал олдин Чарлини асраб олган. Деярли бир йил давомида Чарли блогернинг энг яхши дўстига айланди, шунинг учун у итининг биринчи туғилган кунига ўзгача нимадир совға қилишни хоҳлаган.
Изоҳ (0)