Dunyodagi tili eng uzun it — Zoui qanday ko‘rinishga ega? (foto)

AQSHning Luiziana shtatida yashovchi Zoui laqabli it dunyodagi eng uzun tilga ega bo‘lgan hayvon sifatida Ginnesning rekordlar kitobiga kiritildi.

Zoui — labrador va nemis ovcharkasining duragayi hisoblanadi. Itning tili 12,7 sm. Soddaroq qilib aytganda, itning tili gazli ichimlik idishidan uzunroq.

It uch yoshda. U atigi olti haftalik bo‘lganida Sadi va Dryu Uilyams oilasida tug‘ilgan. Juftlik itning tili og‘zidan chiqib ketayotganini payqagan, biroq bu holatni vaqtinchalik deb o‘ylashgan. Vaqt o‘tishi bilan nafaqat Zoui, balki uning tili ham o‘sdi.

Zoui baxtli hayot kechirmoqda. U to‘p tutishni, olmaxon quvishni, mashinada sayr qilishni va daryoda suzishni yaxshi ko‘radi. Uning uzun tili hech narsaga xalaqit bermayotganga o‘xshaydi.

Avvalroq dunyodagi eng uzun tilga ega it sifatida Arizona shtatida yashovchi ingliz setteri Bisbi Ginnesning rekordlar kitobiga kiritilgan edi. Bu itning tili 9,5 sm ni tashkil qilgan. Shuningdek, Janubiy Dakotada yashagan senbernar Moti laqabli it barcha itlar orasida mutlaq chempion sanaladi, itning tili — 18,58 sm bo‘lgan. Moti 2021-yilda vafot etgan.