Флорида штатининг Orlando шаҳрида яшовчи Алтовиз Моррис исмли аёл икки ой кетма-кет икки марта лотереяда 1 миллион доллар ютиб олди, деб хабар бермоқда “Правила жизни” нашри.
Алтовиз биринчи ғалабасини 2022 йилнинг ноябрь ойида қўлга киритган эди. У 500Х The Cash ўйинининг лотерея чиптасига 50 доллар сарфлаган.
“Мен қайтаман” — дея ҳазил қилди аёл совринни олаётганда.
У январь ойида яна Флоридадаги лотерея офисига иккинчи ютуқни олгани келди. Биринчи совринини орзусидаги уйни олишга сарфлаган аёл ҳали ҳам бу воқеаларга ишона олмаётганини айтган.
Insider берган маълумотларига кўра, 500Х The Cash ўйинини икки марта ўйнаб, 1 миллион доллар ютиб олиш эҳтимоли 71,6 миллиарддан 1 ёки тахминан 0,00000000001395 фоизни ташкил қилади.
Изоҳ (0)