Қашқадарё вилоятининг Шаҳрисабз шаҳрида Ёшлар иттифоқининг 300 нафар сардори жам бўлиб, ўқув семинари ташкил қилди. Бу ҳақда “Дарё”га Ёшлар иттифоқи Қашқадарё вилояти кенгаши масъуллари хабар берди.
.jpg)
Таъкидланишича, 19—24 май кунлари вилоятдаги “Лочин” оромгоҳида Ўзбекистон ёшлар иттифоқи “Камалак” болалар ташкилотининг навбатдаги 22-анжумани ташкил этилган.
“Республиканинг барча ҳудудларидан келган 300 нафар сардорлар Қаршида тантанали кутиб олиниб, Шаҳрисабз шаҳридаги Оқсарой мажмуасидаги Амир Темур ҳайкали пойига гул қўйиш маросимида иштирок этди. Шундан сўнг ‘Лочин’ болалар оромгоҳига борилиб, анжуман очилишига бағишланган концерт дастурида иштирок этди”, — дейди Ёшлар иттифоқи Қашқадарё вилояти Кенгаши раиси Аброр Аҳмедов.
.jpg)
Қўшимча қилинишича, анжуман доирасида ўқув семинарлар, “Энг намунали ҳудудий сардорлар кенгаши”, “Қувноқлар ва зукколар” танлови, “Мунозара” ва “Заковат” интеллектуал ўйини, “Қадрият, урф-одат, анъана ва болалар”, “Халқлар дўстлиги” фестиваллари ўтказилган. “Олимпия куни” “Сўнгги қўнғироқ” “Дўстимга совға” лойиҳалари ҳамда “Плоггинг” экологик акцияси орқали энг зўрлар аниқланган.
“Беш кун давом этган сардорлар анжуманида иштирокчилар ўзаро мусобақа ва танловларда беллашишди, фахрли ўринларни эгаллаган жамоалар Ўзбекистон ёшлар иттифоқи ‘Камалак’ болалар ташкилоти ҳамда вилоят маъсуллари томонидан диплом ҳамда эсталик совғалари билан тақдирланди”, — дейди масъул.
Ёшлар иттифоқи Қашқадарё вилояти Кенгаши раиси Аброр Аҳмедовнинг маълумот беришича, республикада айни кунда 317 минг 653 нафар Сардорлар Кенгаши аъзоси бор. Шундан 170 минг 499 нафари синфларда, 144 минг 46 нафари мактабларда, 2 минг 912 нафари туман ва шаҳарларда, 198 нафари ҳудудларда ҳамда 14 нафари республикада фаолият олиб боради.
.jpg)
Тадбир сўнгида катта гулхан ёқилиб, хушовоз хонандалар иштирокида галаконцерт ташкил этилди. Анжуман мушакбозлик билан якунланган.
Изоҳ (0)