Тошкент шаҳар Олмазор туманидаги мактабнинг 11-синф ўқувчиси танишини пичоқлаб ўлдирди. Мактабгача ва мактаб таълими бошқармаси ҳолат юзасидан маълумот берди.
Унга кўра, Олмазор туманидаги 242-сонли умумтаълим мактабининг 11-синф битирувчиси Р.А. 22 май куни Тансиқбоев-3 даҳасида тунги соат тахминан 00:00 да яқин таниши, 21 ёшли С.П. исмли йигит билан гап талашиб қолган. Шундан сўнг катта жанжал бошланиб, иккаласи бир-бирига пичоқ ўқталган ва Р.А жаҳл устида С.П.нинг орқа курагига пичоқ тиқиб олган. Натижада С.П. вафот этган.
Таъкидланишича, Р.А. Зангиота тумани судининг 2022 йил 1 июндаги қарорига асосан 24-тарбия колониясидан Олмазор туманидаги 242-мактабга 2022 йил 8 сентябрдаги 52-сонли буйруқ асосида 11-“З” синфига ўқишга қабул қилинган. Тарбия колониясидан келгани сабабли ўқувчи мактабнинг ички рўйхатида туради. ИИБ ходимлари ҳамда мактаб маъмурияти у билан мунтазам профилактик суҳбатлар олиб борган.
Р.А. дарсларда мунтазам қатнашган. 2022/2023-ўқув йили давомида у билан мактабдошлари ўртасида бирор марта муаммоли вазият юзага келмаган. Хулқида ижобий ўзгариш бўлган. Р.А. 2023 йил 16 майда хусусий университетга кириш имтиҳонларини муваффақиятли топшириб, муддатидан аввал шартнома асосида ўқишга қабул қилинган. 2022/2023-ўқув йили давомида у билан муаммоли вазият бўлмаган. Мактабга мунтазам келган. Хулқида ўзгариш бўлмаган.
Ҳозирда Олмазор тумани ИИО ФМБ томонидан Р.А. қамоққа олинган ва тергов-суриштирув ишлари олиб борилмоқда.
Изоҳ (0)