Бахмут яқинидаги Россия қўшинлари ҳар куни бир батальонни йўқотмоқда. Бу ҳақда Украина мудофаа вазири Алексей Резниковга таяниб, “РБК” хабар берди.
Резниковнинг сўзларига кўра, Бахмут йўналишида ўлдирилган ва яраланган Россия жангчиларининг умумий сони 70 мингни ташкил этади.
“Бизнинг ҳисоб-китобларга кўра, улар Бахмутда бир кунда бир батальонни йўқотмоқда ва бу давом этади”, — деди Резников.
Мудофаа вазири Бахмутда Украина ҳарбийлари русларнинг ҳужум салоҳиятини камайтираётгани ва уларнинг олдинги чизиқнинг бошқа қисмларида ҳужумга ўтишига йўл қўймаётганини таъкидлади.
Уруш бошидан бери русларнинг йўқотишлари
Украина қуролли кучлари бош штабининг 19 май куни эрталабки хулосасига кўра, уруш бошланганидан бери Россиянинг умумий жанговар йўқотишлари ҳалок бўлганлар ва яраланганлар билан тахминан 220 420 кишини ташкил қилмоқда. Улардан 660 таси сўнгги 24 соат ичида қайд этилган. Бундан ташқари, босқинчилар ҳарбий техникада катта йўқотишларга учрамоқда.
Украина Қуролли кучларининг ўз йўқотишлари ҳақидаги маълумотлар ошкор этилмаган.
Изоҳ (0)