Ерни кучли магнит бўронлари қоплайди 

Қуёшда энг кучли чақнашлардан бири содир бўлди ва унинг зарралари аллақачон икки қитъада муаммога сабаб бўлди. Бу ҳақда Space хабар берди.

АҚШдаги Космик об-ҳавони башорат қилиш маркази олимларининг сўнгги маълумотлари қуёш доғи 16 май оқшомида М9.6 кучли қуёш чақнашига сабаб бўлганини тасдиқлайди. Қуёш доғи Ерга қарамаган бўлса-да, чақнаш таъсири сезилди, чунки ҳодиса Шимолий Америка, Марказий Америка ва Жанубий Американинг баъзи қисмларида ўртача радио узилишига олиб келди.

Бироқ бу содир бўлган охирги чақнаш эмас. Олимларнинг фикрича, Қуёшнинг айланиши туфайли тез орада, яъни 20 май, кейин эса 22 ёки 23 майда қуёш доғи Ер томонга йўналиши мумкин.

Мутахассислар ҳозирда кузатилаётган (19 май) 4 баллик магнит бўрони интенсивлиги фақат 21 майда камайиши ва 24 майда яна кузатилишини прогноз қилмоқда.

Магнит бўронлари ҳатто ўрта кучга эга бўлса ҳам, инсон саломатлигига салбий таъсир кўрсатади. 

Бундай кунларда организмга ёрдам бериш учун кунига камида 7-8 соат ухлаш маслаҳат берилган. Рациондан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.

Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.