“Вагнер” хусусий ҳарбий кампанияси асосчиси Евгений Пригожин Бахмут йўналишидаги “тактик” чекинишни очиқ тан олиб, “Россия учун глобал фожиа” муқаррарлигини айтди. Пригожин ўзининг навбатдаги видеомурожаатида бу ҳақда маълум қилди.
“Вагнер” асосчисига кўра, айни дамда Россия Мудофаа вазирлиги бўлинмалари флангдан қочиб кетмоқда ва 12 майнинг ўзида 5 квадрат метрлик ҳудуд бой берилган, жумладан Часов Яр — Бахмут йўли руслардан озод қилинган ва барча тактик баландликлар Украина ҳарбийлари томонидан эгаллаб олинган.
“Вагнер” раҳбари унинг ёлланма аскарлари Бахмутни етти ой давомида қуршаб олгани, кейин эса флангларни рус ҳарбийларга топширганини айтди. Пригожиннинг фикрича, натижада Россия томонидан деярли босиб олинган шаҳар энди Украина қуролли кучлари томонидан ўралган бўлиши мумкин. Пригожин, агар Украина қуролли кучларига Берховкага киришга рухсат берилса, рус қўшинлари қуршовга олинишини башорат қилди.
“Ўртоқ Konaшенков (РФ Мудофаа вазирлиги вакили ), юмшоқ қилиб айтганда, найранг ўйнади: бу тактик чекиниш эмас, шунчаки қочиш эди”, — деб ғазабланди Пригожин.
У ўзининг шахсий армиясига ҳали ҳам етарлича ўқ-дорилар берилмаганидан шикоят қилди ва “Вагнер” йўқотишларга учрашини айтди.
Унинг сўзларига кўра, вагнерчиларнинг Бахмутда эгаллаши керак бўлган бор-йўғи 20 та бино қолган, бироқ шаҳарнинг қўлга олиниши русларга ҳеч нарса бермаяпти.
“Чунки фланглар вайрон, фронт эса барбод бўлмоқда. Россия Мудофаа вазирлигининг ахборот соҳасидаги вазиятни юмшатишга уринишлари эса Россиянинг глобал фожиага олиб келади. Мен узоқ вақтдан бери огоҳлантирган нарсам содир бўла бошлади”, — деди у.
Изоҳ (2)
Nima uchun askarlar qochib keti
Askarlar sunchali qo'rqoq mi rusiyadan asker lar opkelishini talap qilamiz