“Катта еттилик” (АҚШ, Канада, Британия, Франция, Италия, Германия ва Япониядан таркиб топган мамлакатлар гуруҳи – G7) мамлакатлари Россияга экспортни тўлиқ тақиқлашдан бош тортди, бунинг ўрнига етказиб бериш бўйича мавжуд чекловларни кенгайтириш танланди. Бу ҳақда Bloomberg хабар берди.
Хиросима саммитида G7 етакчилари томонидан қабул қилинадиган баёнот лойиҳасида дори-дармон, қишлоқ хўжалиги маҳсулотлари ва озиқ-овқат маҳсулотларидан ташқари барча экспортни тақиқлаш банди мавжуд эмас.
Эмбарго ўрнига G7 Россия ҳарбий техникаси учун муҳим бўлган тақиқланган нарсалар рўйхатини кенгайтиради. Гап саноат ускуналари, электротехника ва саноат ишлаб чиқариши, қурилиш, транспорт ва тадбиркорлик хизматлари учун бошқа товарлар ҳақида бормоқда.
Амалдаги режимга мувофиқ, Россияда барча товарларни экспорт қилишга рухсат берилади, санкция остидагилар эса бундан мустасно.
“Катта еттилик” давлатларининг асосий эътибори Россияга санкцияларни четлаб ўтишда ёрдам бераётган учинчи давлатларга нисбатан мавжуд санкциялар бўшлиқларини ёпишга қаратилади.
Изоҳ (0)