Италия шимолида сув тошқинлари оқибатида камида 13 киши ҳалок бўлди, 10 мингдан ортиқ одам уйини ташлаб кетди. Бу ҳақда BBC хабар берди.
Маълум қилинишича, мамлакатда бир ярим кун ичида олти ойлик ёмғир ёғган. Табиий офат оқибатида 18,5 минг аҳоли электр таъминотидан узилган. Эмилия-Романя ҳудудида хавфнинг “қизил” даражаси сақланиб қолмоқда, аҳоли кўчки бўлиши мумкинлигидан огоҳлантирилмоқда.
Ҳудудда аллақачон 280 дан ортиқ кўчки содир бўлган, улардан 120 таси жиддий оқибатларга олиб келган. Шунингдек, ҳудуд кўчки бўлиши мумкин бўлган 250 та йўлни тўсиб қўйган.
Ўт ўчириш бригадалари сув тошқинидан зарар кўрган минтақа бўйлаб 2 000 та қутқарув операциясини ўтказган. Қариялар уйларидан қариялар эвакуация қилинган. Баъзилар том тепасига кўтарилганида вертолётлар ёрдамида қутқарилган.
Изоҳ (0)