Геологлар осмонўпар биноларнинг оғирлиги сабабли Нью-Йорк чўкаётганини маълум қилди. Бу ҳақда New York Post хабар берди.
.jpg)
Маълум қилинишича, шаҳар йилига 1-2 миллиметр тезликда сувга чўкмоқда, баъзи ҳудудларда эса бу кўрсаткич тезроқ. АҚШ Геология хизматининг етакчи тадқиқотчиси ва геологи Том Парсонснинг фикрича, айримлар учун бу аҳамиятсиз бўлса-да, аста-секин чўкиш Нью-Йоркни табиий офатларга жуда заиф қилади. Қуйи Манхеттен, айниқса, Бруклин ва Квинс кўпроқ хавф остида.
“Нью-Йорк сув тошқини хавфи билан боғлиқ жиддий муаммоларга дуч келмоқда; денгиз сатҳининг кўтарилиш хавфи Шимолий Американинг Атлантика соҳиллари бўйлаб ўртача глобал кўрсаткичдан 3-4 баравар юқори. Нью-Йоркдаги 8,4 миллион аҳоли турли даражадаги тошқин хавфи остида”, — дейди Том Парсонс.
Ўн йилдан кўпроқ вақт олдин бошланган мазкур оғир оқибатларни шаҳар аллақачон кўрган. Геологнинг сўзларига кўра, яқинда содир бўлган икки довул Нью-Йоркда қурбонлар ва катта вайронагарчиликларга сабаб бўлган.
“2012 йилда ‘Сенди’ тўфони денгиз сувини шаҳарга олиб кирди, 2021 йилда ‘Ида’ довули оқибатида кучли ёғингарчилик шаҳар чегараларидаги дренаж тизимларини тўсиб қўйди”, — дейди геолог.
Том Парсонс шаҳардаги кўплаб биноларнинг структуравий яхлитлиги келажакда хавф остида бўлиши мумкинлигидан қўрқади.
“Тектоник ва антропоген чўкиш, денгиз сатҳининг кўтарилиши ва бўрон интенсивлигининг ортиши муаммонинг қирғоқ ва дарё бўйидаги ҳудудларда тезлашаётганини англатади. Шўр сувнинг бино пойдеворига қайта-қайта таъсир қилиши мустаҳкамловчи пўлатни коррозияга олиб келади ва бетонни кимёвий жиҳатдан заифлаштиради, бу эса структуранинг заифлашишига сабаб бўлади”, — дейди мутахассис.
Изоҳ (0)